قر پرەمەر-ءمينيسترىنىڭ ورىنباسارى – قارجى ءمينيسترى ەرۇلان جاماۋباەۆ كاپيتالدى قايتارۋ ماسەلەلەرى جونىندە كەڭەس وتكىزدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
كەڭەسكە قارجى, ۇلتتىق ەكونوميكا, ادىلەت, سىرتقى ىستەر مينيسترلىكتەرى مەن باس پروكۋراتۋرانىڭ, ۇلتتىق قاۋىپسىزدىك كوميتەتى, ۇلتتىق بانك, قارجى نارىعىن رەتتەۋ جانە دامىتۋ, سىبايلاس جەمقورلىققا قارسى ءىس-قيمىل, قارجىلىق مونيتورينگ اگەنتتىكتەرى مەن «سامۇرىق-قازىنا» ۇاق» اق وكىلدەرى قاتىستى.
وندا مەملەكەت باسشىسىنىڭ جارلىعىن ىسكە اسىرۋ بويىنشا مەملەكەتتىك ورگانداردىڭ ۇسىنىستارى قارالدى.
ەسكە سالا كەتەيىك, بيىل 26 قاراشادا مەملەكەت باسشىسى «زاڭسىز شىعارىلعان اكتيۆتەردى مەملەكەتكە قايتارۋ جونىندەگى شارالار تۋرالى» جارلىققا قول قويعان بولاتىن.
جارلىققا سايكەس ۇكىمەت مۇددەلى مەملەكەتتىك ورگاندارمەن جانە ۇيىمدارمەن بىرلەسىپ, 2023 جىلعى 31 ناۋرىزعا دەيىن ءتيىستى زاڭ جوباسىن ازىرلەپ, پارلامەنت ماجىلىسىنە ەنگىزۋى ءتيىس.
وتىرىستى قورىتىندىلاي كەلە, ە. جاماۋباەۆ مەملەكەت باسشىسىنىڭ جارلىعىن ىسكە اسىرۋعا باعىتتالعان جيىنتىق ۇسىنىستار ازىرلەۋدى تاپسىردى.
جۇمىس توبىنىڭ وتىرىسى اپتا سايىن وتەدى.