قازاقستان ۇلتتىق قۇراماسىنىڭ قورعاۋشىسى پەتەربورلىق كلۋبپەن «2,5+1» جۇيەسى بويىنشا كەلىسىمگە وتىردى, دەپ حابارلايدى Egemen.kz.
نۇرالى ءالىپ 1999 جىلى 22 جەلتوقساندا اقتاۋدا ومىرگە كەلگەن. سەگىز جاسىنان باستاپ جەرگىلىكتى «كاسپي» اكادەمياسىندا فۋتبولمەن اينالىسا باستاعان.
2015 جىلى «قايرات» اكادەمياسىنا اۋىسىپ, ارادا ءۇش جىل وتكەن سوڭ الماتىلىق كلۋب ساپىندا العاش رەت الاڭعا شىقتى. نۇرالى «قايرات» ساپىندا جالپى ەسەبى 99 ماتچ وتكىزگەن. كوماندامەن بىرگە قازاقستان چەمپيوناتىندا جەڭىمپاز اتانىپ, ەل كۋبوگىن ەكى رەت ەنشىلەگەن. قازاقستان ۇلتتىق قۇراماسى ءۇشىن 22 ماتچتا الاڭعا شىققان.