17 جەلتوقساندا ەلوردادا تاۋەلسىزدىك كۇنىنە وراي تىرەك – قيمىل اپپاراتى زاقىمدالعان, ەستۋ قابىلەتى تومەن سپورتشىلار اراسىندا پارا تاەكۆوندودان قالالىق جارىس وتەدى, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
جارىسقا قاتىسۋشىلار «پحۋمسە» جانە «كەرەگۋ» باعدارلامالارى بويىنشا ءار ءتۇرلى سالماق ساناتى بويىنشا ونەر كورسەتەدى.
پارا تاەكۆوندو جاتتىقتىرۋشىسى ەربول سيمامباەۆتىڭ ايتۋىنشا, قالالىق جارىس تاۋەلسىزدىك كۇنى قارساڭىندا وتەدى. جارىسقا شامامەن 20-عا جۋىق پارا سپورتشى قاتىسادى. مۇنداي جارىستار قالامىزدا ءجيى وتكىزىلىپ تۇرادى. بۇل جارىس دەمونستراتسيالىق ورىنداۋ باعدارلاماسى بويىنشا وتەدى.
جارىس 17 جەلتوقسان كۇنى ساعات 11:00-دە پاراليمپيادالىق جاتتىقتىرۋ ورتالاعىندا (اقشوقى 2) وتەدى.