بۇل تۋرالى مەملەكەت باسشىسى ۇكىمەتتىڭ كەڭەيتىلگەن وتىرىسىندا ايتتى, دەپ حابارلايدى Egemen.kz.
«جۋىردا وتكەن پرەزيدەنت سايلاۋى – بۇل حالىقتىڭ بىزگە ارتقان زور سەنىمى جانە قولداۋى. ازاماتتارىمىز ناقتى وڭ وزگەرىستەر بۇگىن جانە قازىر بولادى دەپ ۇمىتتەنىپ وتىر. وسى ءۇمىت پەن سەنىمدى اقتاۋ – الدىمىزدا تۇرعان ەڭ باستى مىندەت ءارى قاستەرلى پارىز. سوندىقتان, سايلاۋ الدىنداعى باعدارلامانى جۇزەگە اسىرۋ ءۇشىن ارنايى جوسپار قابىلداندى», دەدى پرەزيدەنت.
وسى رەتتە ول بارلىق ءىس-شارا ۋاقتىلى جانە تولىق ورىندالۋى كەرەك ەكەنىن ايتىپ ءوتتى. ءاربىر ءمينيستردىڭ, اكىمنىڭ جۇمىسى ستاتيستيكامەن, ەسەپ-قيساپپەن ەمەس, ناقتى ناتيجەمەن ولشەنەتىن بولادى.