ەلوردانى قايتا قۇرۋ بويىنشا اۋقىمدى جۇمىستار «استانا - جايلى قالا» ماستەر-جوسپارى اياسىندا جۇرگىزىلدى. استانادا قالا تۇرعىندارى مەن قوناقتار بوس ۋاقىتىن جايلى ءارى دەنساۋلىعىنا پايدالى كۇيدە وتكىزە الاتىن جاڭا تارتىمدى ورىندار اشىلدى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
سوڭعى جىلدارى ەلوردادا 900-دەن استام اۋلا مەن قوعامدىق كەڭىستىك (ساياباقتار, گۇلزارلار, جەلەكجولدار) اباتتاندىرىلدى: كوپىر استى كەڭىستىكتەر, «تەاتر» بۋلۆارى («جاستار» سارايىنان مۋزىكالىق جاس كورەرمەن تەاترىنا دەيىن), «Demalys promenade», قۇتقارۋشىلاردىڭ, مۇعالىمدەردىڭ, مەديتسينا قىزمەتكەرلەرىنىڭ قۇرمەتىنە ارنالعان گۇلزارلار, كوشە سپورتى كوليزەيى اشىلدى جانە ت.ب.
ماسەلەن بيىل قالادا بەيبىتشىلىك جانە كەلىسىم سارايى اۋدانىندا امفيتەاتر, قالانىڭ وڭ جاعالاۋىندا تاعى ءبىر جاياۋ جۇرگىنشىلەر جولى, «ۆسترەچا» ءسۇ جانىنداعى قوعامدىق كەڭىستىك, «بەيبىتشىلىك جانە كەلىسىم» ساياباعى, قالالىق الاڭ, جەلەكجولدار جانە ت.ب. سالىندى).
اباتتاندىرۋ كەزىندە ەلدى مەكەندەرگە ەرەكشە نازار اۋدارىلادى. ەلدى مەكەندەردىڭ وزىندە 300-گە جۋىق اۋلا مەن قوعامدىق كەڭىستىك اباتتاندىرىلدى, كوكتال اۋماعىندا 16 گەكتاردى الىپ جاتقان ساياباق سالىندى.
قوعامدىق كەڭىستىكتەر مەن اۋلا اۋماقتارىندا اركىم ءوز قالاۋى بويىنشا سەرۋەن قۇرا الادى: باسكەتبول/فۋتبول الاڭدارى, workout-ايماقتار, تىنىش كۇيدە دەمالۋعا ارنالعان ايماقتار, اتكەنشەكتەر, سول سياقتى شىعارماشىلىق تالانتىن پاش ەتۋگە ارنالعان ساحنالار, كونكي-ايماقتار جانە ت.ب.
2023 جىلى ۇركەر (يلينكا), تەلمان ەلدى مەكەندەرىندەگى, ش.ايتماتوۆ كوشەسىندەگى, ج.تاشەنوۆ جانە ت.حۋسەين كوشەلەرىنىڭ قيىلىسىنداعى, اباي داڭعىلىندا گۇلزارلاردى اباتتاندىرۋ جوسپارلانىپ وتىر. سول سياقتى كۇيشى دينا كوشەسىنەن مۇستافين كوشەسىنە دەيىن, جۇرگەنوۆ كوشەسى, 28/1, قوشقارباەۆ كوشەسى, 45, قورداي جانە تايقازان كوشەلەرىنىڭ قيىلىسىندا, ك.ازىرباەۆ كوشەسى, 10-14 جانە ت.ب. ابىلايحان داڭعىلىنىڭ بويىندا ساياباقتار (گۇلزارلار, جەلەكجولدار) بولادى.
سونىمەن قاتار كىشى تالدىكولدە ەكوپارك سالىنادى. ەكوپارك جوباسى اۋماقتى اباتتاندىرۋدى, سۋ بالانسىن ساقتاي جانە تولىقتىرا وتىرىپ, رەكرەاتسيالىق ايماق قۇرۋدى كوزدەيدى.