قازاقستانداعى كۇرىش قورى 144,7 مىڭ توننانى جانە 225 مىڭ توننا شالا كۇرىشتى قۇرايدى, ول قايتا وڭدەۋدەن كەيىن شامامەن 112,5 مىڭ توننا بولادى. قويمالاردا بارلىعى 257,2 مىڭ توننا تازا كۇرىش بولادى, دەپ حابارلايدى Egemen.kz اۋىل شارۋاشىلىعى مينيسترلىگىنىڭ ءباسپاسوز قىزمەتىنە سىلتەمە جاساپ.
جىل سايىن 97 مىڭ توننا تۇتىنۋ كەزىندە بۇل قورلار قازاقستاننىڭ وسى ونىمگە دەگەن ىشكى قاجەتتىلىگىن 2 ەسەدەن استام جابادى. سونىمەن قاتار بۇل كولەمدەر 2023 جىلدىڭ جاڭا ءونىمىن الۋعا دەيىن جەتكىلىكتى بولادى.
جينالعان كۇرىشتىڭ ارتىق مولشەرى باسقا ەلدەرگە ەكسپورتتالادى. وسى جىلدىڭ 9 ايىندا شەتەلگە بارلىعى 70,6 مىڭ توننا, ونىڭ ىشىندە 39,2 مىڭ توننا تازارتىلعان كۇرىش جانە 31,4 مىڭ توننا ۇساقتالعان كۇرىش ساتىلدى.
ايتا كەتۋ كەرەك, قازاقستان اۋماعىندا ۇساقتالعان كۇرىشكە سۇرانىس جوق جانە ونىڭ كولەمىنىڭ 70-80% سىرا ءوندىرۋ ءۇشىن رەسەيگە ەكسپورتتالادى. تازارتىلعان كۇرىش بويىنشا بۇل ەلگە ەكسپورت نەبارى 9,5 مىڭ توننا, ال ۇساقتالعان كۇرىش كولەمى 24,6 توننانى قۇرادى.
بۇل رەتتە قازاقستاندىق كۇرىشتى شەتەلگە شەكتەۋسىز اكەتۋ كۇرىش داعدارىسىنا قاۋىپ توندىرەدى دەگەن اقپارات شىندىققا جاناسپايدى.
تازارتىلعان كۇرىشتىڭ قۇنىنا كەلەتىن بولساق, قاراشا ايىندا ونىڭ قازاقستانداعى كوتەرمە باعاسى كەلىسىنە 340-390 تەڭگە, ءوندىرۋشى زاۋىتتاردا 256 تەڭگە, بولشەك ساۋدادا قۇنى 489 تەڭگەنى قۇرادى. رەسەيدە كۇرىشتىڭ كەلىسى كوتەرمە ساۋدادا 362,8 تەڭگەگە (57 رۋبل) ساتىلادى.
جالپى, 2022 جىلى قازاقستاندا كۇرىش داقىلدارى 87,8 مىڭ گا قۇرادى, ولاردان 486,5 مىڭ توننا ءونىم جينالدى. ونىڭ ىشىندە 444,6 مىڭ توننا ءونىم قىزىلوردا وبلىسىنىڭ ۇلەسىنە كەلەدى.