يندونەزيانىڭ شىعىس ياۆا ارالىندا بيىكتىگى 3676 مەتر بولاتىن سەمەرۋ جانارتاۋى اتقىلاي باستادى, دەپ حابارلايدى Egemen.kz.
تابيعي اپاتتاردى باسقارۋ ۇلتتىق باسقارماسىنىڭ (BNPB) ءباسپاسوز حاتشىسى ابدۋل ءمۋحاريدىڭ ايتۋىنشا, لاۆا اعىندارى جانارتاۋ ەتەگىندەگى وزەنگە جەتكەن.
جانارتاۋ ايماعىنداعى بىرقاتار ەلدى مەكەندى كۇل باسقان. ابىروي بولعاندا, ەشكىم زارداپ شەككەن جوق.
جۇزدەگەن جەرگىلىكتى تۇرعىندار ەۆاكۋاتسيالانعان. بيلىك ارالداعى قاۋىپتىڭ ماكسيمالدى دەڭگەيى تۋرالى ەسكەرتۋ جاسادى.
ەسكە سالساق, 2021 جىلدىڭ 4 جەلتوقسانىندا سەمەرۋ جانارتاۋىنىڭ اتقىلاۋى سالدارىنان 51 ادام قازا تاپقان ەدى.
ايتا كەتەيىك, يندونەزيادا 130-عا جۋىق بەلسەندى جانارتاۋ بار.