استاناداعى «Barys City» تۇرعىن ءۇي كەشەنىنەن ءورت بولدى. ءتىلسىز جاۋ تۇرعىن ءۇيدىڭ ەكىنشى قاباتىنداعى پاتەردىڭ بالكونىنان شىققان, دەپ حابارلايدى Egemen.kz.
استاناداعى ءورت ءسوندىرۋ قىزمەتىنە بۇگىن ساعات 08:28-دە تۇران 46 ا داڭعىلىنداعى «Barys City» تۇرعىن ءۇي كەشەىندە ءورت بولىپ جاتقانى تۋرالى حابار كەلىپ تۇسكەن.
وقيعا ورنىنا جەتكەن ءورت سوندىرۋشىلەر ەكىنشى قاباتتاعى پاتەردىڭ بالكونى وتقا ورانعانىن انىقتاپتى.
«قاتتى ءتۇتىن بولدى. جەدەل جانە ۇيلەسىمدى ءىس-قيمىلدىڭ ناتيجەسىندە قۇتقارۋشىلار تۇرعىنداردى ەۆاكۋاتسيالاۋعا كىرىستى. 16 ادامدى ەۆاكۋاتسيالادى. ونىڭ 6-اۋى – بالا. ساعات 09:10-دا ءورت ءسوندىرىلدى, زارداپ شەككەندەر جوق. ءورت 20 شارشى مەتر اۋماقتى شارپىعان. ءورتتى سوندىرۋگە 12 قىزمەتكەر مەن 3 تەحنيكا جۇمىلدىرىلدى», دەپ حابارلادى استانا قالالىق تجد ءباسپاسوز قىزمەتى.