قۇرمانعازى اتىنداعى قازاق ۇلتتىق حالىق اسپاپتار وركەسترىنىڭ الداعى 90 جىلدىعى جانە نۇرعيسا تىلەنديەۆ اتىنداعى اكادەميالىق فولكلورلى-ەتنوگرافيالىق «وتىرار سازى» وركەسترىنىڭ 40 جىلدىق مەرەيتويىنا وراي ەكى وركەسترگە 40 دومبىرا تارتۋ ەتىلدى, دەپ جازادى Egemen.kz.
«بيىل ءبىز شىعارماشىلىق ۇجىمدارمەن كوپتەگەن كەزدەسۋلەر وتكىزدىك. اشىق ديالوگ بارىسىندا كوتەرىلگەن باستى ماسەلەلەردىڭ ءبىرى – مۋزىكالىق اسپاپتاردى جاڭارتۋ جانە ساتىپ الۋ قاجەتتىلىگى. بۇل كوپ كۇتتىرمەي شەشۋدى قاجەت ەتەتىن قوردالانعان ماسەلە بولدى. سوندىقتان ءبىز دەمەۋشىلىك قاراجات ەسەبىنەن بۇل جۇمىستى قولعا الۋ تۋرالى شەشىم قابىلدادىق. بىردەن شەبەر جولاۋشى تۇردىعۇلوۆقا 40 دومبىرا جاساتتىق. بۇگىن سول دومبىرالاردى وزدەرىڭىزگە تابىستاپ وتىرمىز. وسى جوبانىڭ ىسكە اسۋىنا دەمەۋ كورسەتىپ, اتسالىسقان بارشا ازاماتقا العىس ايتامىن», دەدى داۋرەن اباەۆ.
دومبىرالار كاسىپكەر جانە مەتسەنات تيمۋر تۇرلوۆتىڭ جەكە قاراجاتى ەسەبىنەن ساتىپ الىندى.
«ونەر ارقايسىمىزعا ەرەكشە اسەر ەتەدى. ول ءبىزدىڭ سانامىزدى وزگەرتە الادى, رۋحتاندىرادى, حالىقتار مەن مەملەكەتتەردى بىرىكتىرەدى. سوندىقتان بيزنەس وكىلدەرى ءۇشىن ونەر قايراتكەرلەرىنە قولداۋ كورسەتۋ ماڭىزدى دەپ ەسەپتەيمىن. وتباسىم مەن كومپانيامنىڭ اتىنان قازاقتىڭ حالىق مۋزىكاسىن ورىندايتىن ەكى جەتەكشى وركەسترگە قاسيەتتى اسپاپ - دومبىرا سىيلايمىن. مۋزىكانتتاردىڭ شىعارماشىلىعى ەل يگىلىگىنە قىزمەت ەتىپ, الەمدىك ارەنادا دارىپتەلە بەرسىن», دەپ اتاپ ءوتتى مينيستر.