ۇلتتىق تەستىلەۋ ورتالىعى ۇبت-2022 ناتيجەلەرىنە ەگجەي-تەگجەيلى تالداۋ جاسادى, دەپ حابارلايدى Egemen.kz عىلىم جانە جوعارى ءبىلىم مينيسترلىگىنىڭ Telegram ارناسىنا سىلتەمە جاساپ.
تالداۋ جۇمىستارى مەكتەپتەر, اۋىلدار, اۋداندار جانە وبلىستار بولىنىسىندە جۇزەگە اسىرىلدى.
بۇل رەتتە ۇتو ماماندارى تەستىلەنۋشىلەردىڭ گەندەرلىك ءبولىنىسى, تاپسىرۋ ءتىلى جانە ۇبت پاندەرى بويىنشا دۇرىس جاۋاپتارىنىڭ سانى مەن پايىزىن انىقتادى.
ۇتو ديرەكتورى رۋسلان ەمەلباەۆ زەرتتەۋ ناتيجەلەرىمەن ءبولىستى.
«جالپى دۇرىس جاۋاپتاردىڭ ۇلەسى 58%-دى قۇرادى. تۇلەكتەر «وقۋ ساۋاتتىلىعى» ءپانى بويىنشا ەڭ جاقسى ناتيجە كورسەتتى, ياعني سۇراقتاردىڭ 82%-نا دۇرىس جاۋاپ بەردى. ودان كەيىنگى ورىنداردا «قازاق ءتىلى» 64% جانە «قازاق ادەبيەتى» 60% پاندەرى بولدى. «فيزيكا» جانە «حيميا» پاندەرى بويىنشا ەڭ از دۇرىس جاۋاپتار انىقتالدى, تيىسىنشە كورسەتكىشتەر 40% جانە 38%-دى قۇرادى. ەگەر گەندەرلىك تالداۋدى قاراساق, وندا قىزداردىڭ (59%) ناتيجەلەرى ۇلدارعا (57%) قاراعاندا جاقسىراق بولدى», دەپ ناقتىلادى رۋسلان ەمەلباەۆ.