1-3 جەلتوقسان ارالىعىندا قازاقستان اۋماعىنىڭ باسىم بولىگىندە قاتتى اياز بولادى, دەپ حابارلايدى Egemen.kz «قازگيدرومەت» رمك-عا سىلتەمە جاساپ.
باتىستا, سولتۇستىك-باتىستا جانە سولتۇستىكتە جاۋىن-شاشىنسىز اۋا رايى ساقتالادى.
1 جەلتوقساندا وڭتۇستىك پەن وڭتۇستىك-شىعىستىڭ تاۋلى ايماقتارىندا, 2 جەلتوقساندا اتموسفەرالىق فرونتتاردىڭ وتۋىمەن شىعىستا قاتتى قار جاۋادى دەپ كۇتىلۋدە. رەسپۋبليكا بويىنشا جەلدىڭ كۇشەيۋى كۇتىلۋدە. وڭتۇستىكتە, وڭتۇستىك-شىعىستا - تۇمان, كوكتايعاق, شىعىستا جانە ورتالىقتا بوران بولادى.
تۇندە ەلدىڭ باتىسىندا 2-16-دان 5-18-گە دەيىن اياز, سولتۇستىك-باتىستا 7-27-دەن 14-30-عا دەيىن اياز, سولتۇستىك وڭىرلەردە 15-28-دەن 22-32-گە دەيىن اياز, ەلدىڭ ورتالىعىندا 5-20-دان 13-30-عا دەيىن اياز, رەسپۋبليكانىڭ شىعىسىندا 15-35-تەن 22-37-گە دەيىن اياز, وڭتۇستىكتە 3-12-دەن 8-17-گە دەيىن اياز, وڭتۇستىك-شىعىستا 1-20-دان 8-28-گە دەيىن اياز بولادى.