حالىقارالىق فۋتبول فەدەراتسياسى (FIFA) گەرمانيا فۋتبول قاۋىمداستىعىنا (DFB) كاتاردا ءوتىپ جاتقان الەم چەمپيوناتىنىڭ ەرەجەلەرىن ساقتاماعانى ءۇشىن ايىپپۇل سالدى, دەپ حابارلايدى Egemen.kz.
Prosports.kz پورتالى تاراتقان اقپاراتقا سەنسەك, 2022 جىلعى الەم چەمپيوناتىنىڭ توپتىق كەزەڭىنىڭ ەكىنشى تۋرىنداعى يسپانيا – گەرمانيا ماتچى الدىندا رەسمي ءباسپاسوز ءماسليحاتىنا گەرمانيا قۇراماسىنىڭ باس باپكەرى حانسي فليك جالعىز كەلگەن.
رەگلامەنت بويىنشا ونىمەن بىرگە ءبىر فۋتبولشى كەلۋى كەرەك ەدى. گەرمانيا قۇراماسىنىڭ بازاسى ماتچ الدىنداعى ءباسپاسوز ءماسليحاتى وتكەن دوحادان 100 شاقىرىم جەردە ورنالاسقان. سوندىقتان ماڭىزدى ويىن قارساڭىندا فليك ويىنشىلاردىڭ ەشقايسىسىن الاڭداتقىسى كەلمەگەن.
ناتيجەسىندە FIFA گەرمانيا فۋتبول فەدەراتسياسىنا ون مىڭ شۆەيتساريالىق فرانك (شامامەن 10,1 مىڭ ەۋرو) ايىپپۇل سالدى, سونىمەن قاتار ەسكەرتۋ جاسادى.
الەم چەمپيوناتىنىڭ توپتىق كەزەڭىنىڭ سوڭعى تۋرىندا گەرمانيا قۇراماسى 1 جەلتوقسان كۇنى كوستا-ريكا قۇراماسىمەن وينايدى.