مەملەكەت باسشىسى قاسىم-جومارت توقاەۆ فرانتسياعا جاساعان رەسمي ساپارى اياسىندا فرانتسيا رەسپۋبليكاسىنىڭ سەناتىنا باردى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
پرەزيدەنت قاسىم-جومارت توقاەۆتى سەنات عيماراتىنىڭ اۋلاسىندا جەرار لارشە ءوزى قارسى الدى. سودان كەيىن مەملەكەت باسشىسى مەن سەنات سپيكەرى ساپ تۇزەپ تۇرعان قۇرمەت قاراۋىلىنىڭ الدىمەن ءجۇرىپ ءوتتى.
كەزدەسۋ بارىسىندا قاسىم-جومارت توقاەۆ پاريجگە جاساعان رەسمي ساپارى اياسىندا قول جەتكىزىلگەن ۋاعدالاستىقتار ەكى ەل اراسىنداعى كوپجاقتى ىنتىماقتاستىققا تىڭ سەرپىن بەرەتىنىنە سەنىم ءبىلدىردى.
مەملەكەت باسشىسىنىڭ ايتۋىنشا, ەممانيۋەل ماكرونمەن جۇرگىزىلگەن كەلىسسوز قازاقستان مەن فرانتسيا اراسىنداعى سەرىكتەستىكتىڭ ستراتەگيالىق سيپاتىن راستادى. ساۋدا-ەكونوميكالىق ىنتىماقتاستىقتى دامىتۋعا, ەنەرگەتيكا جانە كولىك-لوگيستيكا سالالارىنا ينۆەستيتسيا تارتۋ ماسەلەسىنە ەرەكشە نازار اۋدارىلدى.
پرەزيدەنت ەكى مەملەكەت اراسىنداعى پارلامەنتارالىق بايلانىستاردى نىعايتۋدىڭ ماڭىزدىلىعىن اتاپ ءوتتى. وسىعان بايلانىستى قاسىم-جومارت توقاەۆ سەنات سپيكەرىن قازاقستانعا ساپارمەن كەلۋگە شاقىردى.
جەرار لارشە ەلىمىزدە جۇرگىزىلىپ جاتقان ساياسي جانە ەكونوميكالىق رەفورمالاردى جوعارى باعالادى. ول قازاقستان مەن فرانتسيا اراسىنداعى ىنتىماقتاستىقتى دامىتۋ ءۇشىن ءوزارا بەلسەندى ءىس-ارەكەت جۇرگىزۋگە دايىن ەكەنىن جەتكىزدى.
كەزدەسۋ سوڭىندا پرەزيدەنت فرانتسيا سەناتىنىڭ قۇرمەتتى قوناقتار كىتابىنا ەستەلىك قولتاڭبا قالدىردى.