ەلىمىزدىڭ ءتورت وبلىسىندا مەكتەپتەر مەن كوللەدجدەردەگى ساباقتار قاشىقتان وقۋعا كوشىرىلدى, دەپ حابارلايدى Egemen.kz.
29 قاراشادا اۋا تەمپەراتۋراسىنىڭ تومەندەۋىنە بايلانىستى شىعىس قازاقستان وبلىسىنىڭ مەكتەپتەرىندە ءبىرىنشى اۋىسىمداعى ساباقتار قاشىقتان وقىتۋ فورماتىنا كوشىرىلدى. سونداي-اق وسكەمەن قالاسى مەن التاي, تارباعاتاي, ۇلان, گلۋبوكوۆسكي, سامارا, كاتونقاراعاي, شەمونايحا, زايسان جانە كۇرشىم اۋداندارىندا 0-11 سىنىپتار, ال ريددەردە 0-9 سىنىپ وقۋشىلارى قاشىقتان وقۋعا كوشىرىلدى.
اباي اۋدانىندا 1-11 سىنىپ وقۋشىلارى, سونىمەن قاتار ءبىرىنشى اۋىسىمداعى كوللەدجدەردىڭ 1-2-كۋرس ستۋدەنتتەرى قاشىقتان وقىتۋدا.
قىزىلوردادا دا اۋا رايىنىڭ قولايسىزدىعى مەن ەكپىندى جەلدىڭ سالدارىنان 0-4 سىنىپ وقۋشىلارى قاشىقتان وقيتىن بولادى.
سونداي-اق قاراعاندىدا ءبىرىنشى اۋىسىمنىڭ 0-4 سىنىپ وقۋشىلارى قاشىقتان وقيدى.