بۇل كۇندەرى كورەيانىڭ باس شاھارى – سەۋل مەن ينچون قالاسىندا گاندبولدان XIX ازيا چەمپيوناتى ءوتىپ جاتىر. سارى قۇرلىق دوداسىنا قاتىسىپ جاتقان قازاقستاننىڭ ايەلدەر قۇراماسى جارىستىڭ كەزەكتى كۇنىندە تايلاندتى تىزە بۇكتىردى.
ازيا بىرىنشىلىگىنىڭ «ۆ» توبىندا باق سىناپ جاتقان جەرلەستەرىمىزدىڭ بۇل – چەمپيوناتتاعى ەكىنشى جەڭىسى. بۇعان دەيىن قازاقستاندىق گاندبولشىلار ەكىنشى تۋردا گونكونگ قۇراماسىنان باسىم تۇسكەن بولسا, العاشقى تۋردا قىتاي سپورتشىلارىنا ەسە جىبەرگەن ەدى. بۇل جولى تايلاندتان ايلاسىن اسىردى – 30:24. ەكى جەڭىستەن كەيىن قازاقستان قۇراماسى ءوز توبىندا ءۇشىنشى ورىندا تۇر. قىزدارىمىز سوڭعى تۋردا (30 قاراشادا) جاپونيامەن كەزدەسەدى.
قۇرلىق دوداسى 4 جەلتوقساندا مارەسىنە جەتەدى. بيىلعى سارى قۇرلىق دوداسىندا ۇزدىك شىققان 5 قۇراما 2023 جىلعى 30 قاراشا مەن 17 جەلتوقسان ارالىعىندا دانيا, نورۆەگيا جانە شۆەتسيادا وتەتىن XXVI الەم چەمپيوناتىنا جولداما الادى.