پرەزيدەنت قاسىم-جومارت توقاەۆتى ۇلىقتاۋ راسىمىنە 3 مىڭعا جۋىق ادام ەل وڭىرلەرىنەن كەلىپ قاتىستى. بۇل وتە ماڭىزدى, ويتكەنى ادامنىڭ شەنى مەن شەكپەنىنە قاراي ءبولۋ بولعان جوق. قاراپايىم ادام ۇلىقتاۋ ءراسىمىنىڭ قالاي وتەتىنىنە كۋا بولدى. ەشقانداي پافوسسىز-اق بۇل ءراسىمنىڭ ديناميكاسى جوعارى, دەموكراتيالىق قارىم-قاتىناسقا نەگىزدەلگەن.
پرەزيدەنتتىڭ سويلەگەن ءسوزى اسەرلى بولدى, قاتىسۋشىلاردىڭ بارلىعىن, ەكران سىرتىندا قاراپ وتىرعان حالىقتى تولعاندىردى دەپ سانايمىن. قاسىم-جومارت توقاەۆ ەلدى تولعاندىرعان نەگىزگى ماسەلەنى ءدوپ باسىپ ايتتى. سايلاۋالدى باعدارلاماسىندا كورسەتىلگەن باسىمدىقتاردىڭ بارلىعى مىندەتتى تۇردە ورىندالاتىنىن سەنىممەن جەتكىزدى. اسىرەسە سىرتقا كەتكەن قارجىنىڭ قايتارىلاتىنىن, وسىعان بايلانىستى ۇلكەن جۇمىس اتقارىلاتىنى كوپتىڭ كوڭىلىنەن شىقتى. ويتكەنى ول – حالىق قارجىسى.
وتكەن ۇلىقتاۋلارمەن سالىستىرار بولساق, بۇل جولعى سالتاناتتى ءىس-شارا وتە قاراپايىم, دەموكراتيالىق سيپاتتا ءوتتى, سونداي-اق قاراپايىم حالىق وكىلدەرىنىڭ شاقىرىلعانى قۋانتتى. پرەزيدەنتتىڭ ۇستانىمى سەكىلدى مادەنيەتتى, شىنايى, كوپسوزدىلىكتەن گورى ىسكە نەگىزدەلگەن كەزدەسۋ بولدى. انت قابىلداۋ ءساتى دە ەرەكشە تولقىتتى. راسىمنەن سوڭ بارلىعىمىز ءبىر-بىرىمىزبەن پىكىر الماسۋعا دا ۋاقىت تاپتىق. قاتىسۋشىلار ەرەكشە اسەردە, كوڭىل كۇيدە بولعانىن كوردىم. ەڭ باستىسى, ەلىمىز تىنىش بولىپ, مەملەكەت باسشىسىنىڭ العا قويعان ماقساتتارى, حالىق الدىنداعى ۋادەلەرى ورىندالاتىن كۇن بۇيىرسىن دەيمىن.
بەللا گازديەۆا,
ۇلتتىق قۇرىلتاي مۇشەسى,
پرەزيدەنت جانىنداعى مەملەكەتتىك باسقارۋ اكادەمياسى اقمولا وبلىسى فيليالىنىڭ ديرەكتورى