مەملەكەت باسشىسى قاسىم-جومارت توقاەۆ سالتاناتتى تۇردە انت بەردى. تۋعان حالقىنا ارناپ جۇرەكتەن شىققان سوزدەرىن ايتتى. ەلىمىزدىڭ بۇگىنى مەن كەلەشەگىنە كوزدەلگەن, جاڭا وزگەرىستەردىڭ ناقتى باعدارلاماسى مەن جوسپارى ايتىلدى.
ۇزاق وي-تولعانىستان تۋىنداعان باعدارلامالار حالىقتىڭ ەڭ جاقىن, ارمانداعان, كۇتكەن ماسەلەلەر جانىمىزدى تەربەتتى. پرەزيدەنت اتاپ كورسەتكەندەي, حالىق سەنىمى – ەل اماناتى, ەڭ باستى قۇندىلىق.
اۋىل – ەل بەسىگى. انت قابىلداعان ەل پرەزيدەنتىنىڭ العاشقى جارلىعى اۋىلدى دامىتۋ تۋرالى بولدى. بۇل ءبىزدىڭ ءتۇپ-تامىرىمىز بەن قاراشاڭىراق – التىن ۇيامىزدى, ۇلت ۇيىتقىسى اۋىلىمىزدى بەس جىل بويى تۇرلەندىرىپ, جاڭعىرتىپ, جاقسى ءومىردى ورنىقتىرۋ جولىندا ۇلان-عايىر ءىس, ادالدىق پەن ادىلدىك شەشىمى دەپ قوعام ءوز قۇرمەتىن كورسەتەتىنى انىق.
سىرتقا جىلىستاپ, زاڭسىز كەتكەن قارجىنى قايتارۋدى تياناقتاي ءتۇسۋ دە, حالىق كۇتىپ وتىرعان ناقتى ماسەلەلەر دە نەگىزىنەن تۇگەل ايتىلدى. قىزمەت مانسابى – ۋاقىتشا, حالىق – ماڭگىلىك. ارتىندا ءىز قالدىرۋ ءۇشىن ار-وجدانىمەن قىزمەت ەتۋ – ءار ازاماتتىڭ باستى پارىزى.
پرەزيدەنتتىڭ ويى مەن ءسوزى حالىق سەنىمىن اقتاۋ مەن ءۇمىتىن ورىنداۋ تۇرعىسىندا اشىق, ادال, جۇرەكپەن ايتىلدى. قازىر توي تويلايتىن, توي جارىستىراتىن ۋاقىت ەمەس. اقىلمەن اتقارىلاتىن ءىس جارىستىراتىن زامان, ومىرشەڭ ۋاقىت تارازىسى.
سالتاناتتى جيىننان رۋح اسقاقتادى. ريزامىز. تاريحي كۇن ەرەكشە ەستە قالدى. ەلىمىز جاساي بەرسىن! مەملەكەت باسشىسىنىڭ بارلىق ۇستانىمى مەن العا قويعان مىندەتتەرىن ءمىنسىز اتقارۋ جاۋاپكەرشىلىگىنىڭ دە زور ەكەنىن ەستە ۇستاۋ قاجەت.
مەيرامبەك تولەپبەرگەن,
ءماجىلىس دەپۋتاتى