شىعىس قازاقستان وبلىسىندا بوراندا اداسىپ كەتكەن ەكى شوپان تابىلدى, دەپ حابارلايدى Egemen.kz شقو توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.
26 قاراشادا زايسان اۋدانىنداعى شارۋا قوجالىعىنىڭ باسشىسى قۇتقارۋشىلارعا حابارلاسقان. ول قاراتال اۋىلىنىڭ ماڭىندا مال ىزدەۋگە كەتكەن 2 شوپاننىڭ جوعالعانىن جەتكىزگەن. تجد قىزمەتكەرلەرى جول تالعامايتىن «كۋنگ» اۆتوكولىگىمەن كومەككە اتتانعان.
«قۇتقارۋشىلار قاتتى اياز بەن قارلى بورانعا قاراماستان 1963 جانە 1983 جىلعى ەر ادامداردى ىزدەستىردى. شوپانداردىڭ ءبىرى «جادىرا» شارۋا قوجالىعىنان 5 شاقىرىم جەردە تابىلدى. ال ەكىنشىسى كوپ ۇزاماي ءوز بەتىمەن ورالدى. شوپاندارعا مەديتسينالىق كومەك قاجەت بولمادى», دەلىنگەن حابارلامادا.