مەملەكەت باسشىسى ۇلىقتاۋ راسىمىندە ەلىمىزدىڭ سىرتقى ساياساتىن قالاي جۇرگىزەتىنى تۋرالى ايتتى, دەپ حابارلايدى Egemen.kz.
«قازاقستان ءوز ۇلتتىق مۇددەسىن قورعاۋعا باعىتتالعان تەڭگەرىمدى جانە كونسترۋكتيۆتى سىرتقى ساياساتىن جۇزەگە اسىرۋدى جالعاستىرادى. رەسەيمەن, قىتايمەن جانە ورتالىق ازياداعى باۋىرلاس مەملەكەتتەرمەن, ينتەگراتسيالىق بىرلەستىكتەر جونىندەگى سەرىكتەستەرمەن اراداعى ءوزارا ءتيىمدى ىنتىماقتاستىق پەن ستراتەگيالىق ارىپتەستىك ماسەلەلەرى باستى نازاردا بولادى. اقش-پەن, ەۋروپالىق وداقپەن, ازيا, تاياۋ شىعىس جانە كاۆكاز مەملەكەتتەرىمەن, سونداي-اق باسقا مۇددەلى ەلدەردىڭ بارلىعىمەن كوپجاقتى ىنتىماقتاستىقتى دامىتۋ ءۇشىن بار كۇش-جىگەرىمىزدى جۇمسايمىز. قازاقستان قازىرگى حالىقارالىق قۇقىق پەن بۇۇ جارعىسىن بەرىك ۇستاناتىن ەل بولىپ قالا بەرەدى», دەدى قاسىم-جومارت توقاەۆ.