استاناداعى تاۋەلسىزدىك سارايىندا قاسىم-جومارت توقاەۆ قازاقستان حالقىنا انت بەردى, دەپ حابارلايدى Egemen.kz.
سالتاناتتى ۇلىقتاۋ ءراسىمىن كونستيتۋتسيالىق كەڭەس توراعاسى قايرات ءمامي باستادى. ول قايتا سايلانعان قاسىم-جومارت توقاەۆتىڭ پرەزيدەنت قىزمەتىنە كونستيتۋتسيانىڭ 42-بابىنا سايكەس حالقىنا انت بەرگەننەن كەيىن كىرىسەتىنىن حابارلادى.
«قازاقستان حالقىنا ادال قىزمەت ەتۋگە, قازاقستان رەسپۋبليكاسىنىڭ كونستيتۋتسياسى مەن زاڭدارىن قاتاڭ ساقتاۋعا, ازاماتتاردىڭ قۇقىقتارى مەن بوستاندىقتارىنا كەپىلدىك بەرۋگە, قازاقستان رەسپۋبليكاسى پرەزيدەنتىنە جۇكتەلگەن مارتەبەلى مىندەتتى ادال اتقارۋعا سالتاناتتى تۇردە انت ەتەمىن!», دەپ قاسىم-جومارت توقاەۆ حالىققا انت بەردى.
وسى ساتتەن باستاپ پرەزيدەنت رەسمي قىزمەتىنە كىرىسكەن بولىپ سانالادى. انت بەرىلگەننەن كەيىن قازاقستان رەسپۋبليكاسىنىڭ مەملەكەتتىك گيمنى ورىندالدى.
بۇدان سوڭ, پرەزيدەنتكە كۋالىك تابىستالدى. قاسىم-جومارت توقاەۆ قازاقستان رەسپۋبليكاسىنىڭ پرەزيدەنتى قىزمەتىنە كىرىستى.