اۋىل شارۋاشىلىعى مينيسترلىگىنىڭ حابارلاۋىنشا, بيىل قازاقستاندىق كۇرىش وسىرۋشىلەر 486,9 مىڭ توننا ارشىلماعان (شالا) كۇرىش جيناعان. رەفراكتسيانى ەسكەرە وتىرىپ, جالپى كولەمى 442,5 مىڭ توننانى قۇرادى. شالا كۇرىشتەن كۇرىش جارماسىنىڭ شىعىمدىلىعى – 50 پايىز. وڭدەۋدەن سوڭ قويمالارعا شامامەن 221,2 مىڭ توننا تۇسپەك.
«ىشكى نارىقتىڭ جىل سايىنعى قاجەتتىلىگى شامامەن 165 مىڭ توننانى قۇرايدى, بۇل وندىرىلگەن كولەمنەن از. وسىلايشا, بىلتىرعى قالدىقتار مەن جاڭا ەگىننىڭ بولۋى قازاقستان حالقىنىڭ كۇرىشكە دەگەن قاجەتتىلىگىن قامتاماسىز ەتۋ ءۇشىن جەتكىلىكتى بولاتىنىن سەنىمدى تۇردە اتاپ وتۋگە بولادى. سونىمەن قاتار ارتىق ءونىم باسقا ەلدەرگە ەكسپورتتالادى. 2022 جىلدىڭ 8 ايىندا 67,8 مىڭ توننا ەكسپورتتالدى.
سونىمەن قاتار بيىل قازاقستان اۋماعىنداعى كۇرىشتىڭ ەگىس القابى 87,8 مىڭ گەكتاردى قۇرادى, بۇل 2021 جىلعى دەڭگەيدەن 8,4 مىڭ گەكتارعا از. كۇرىش القاپتارىنىڭ قىسقارۋىنىڭ نەگىزگى سەبەبى – ۆەگەتاتسيالىق كەزەڭدە قاجەت سۋارمالى سۋ تاپشىعى ماسەلەسى. ايتا كەتۋ كەرەك, ۇكىمەت كۇرىش پەن ماقتا داقىلدارىن ازايتۋ ماسەلەسىنە وتە سالماقتى قارادى, ويتكەنى بۇل ماسەلە الەۋمەتتىك جانە ەكونوميكالىق سيپاتقا يە», دەلىنەدى مينيسترلىك حابارلاماسىندا.
كۇرىش مەليوراتسيالىق داقىل ساناتىنا كىرۋى سەبەپتى, ينجەنەرلىك-دايىندالعان جەرلەردىڭ قايتالاما تۇزدانۋىنا جول بەرمەۋ وتە ماڭىزدى. بۇل ءۇشىن بۇرىن كۇرىش وسىرىلگەن جەرلەردە ىلعال سىيىمدىلىعى از جانە تۇزعا ءتوزىمدى داقىلداردىڭ ەگىستىكتەرىنىڭ ۇلەسىن ارتتىرۋ قاجەت. وسى جانە عىلىمي نەگىزدەلگەن اۋىسپالى ەگىستەردى ەنگىزۋ بويىنشا جۇمىس جۇرگىزىلىپ جاتىر دەپ مالىمدەدى ۆەدومستۆو.