قاراعاندى وبلىسىندا قارجى پيراميداسىن ۇيىمداستىرعاندار ۇستالدى

2020 جىلى ازاماتشا گ.س. نارىمبەتوۆا جالعان اقپارات بەرۋ ارقىلى ازاماتتاردان اقشالاي قاراجات العان.«ول قارجى سحەماسىن قۇرىپ, وندا تارتىلعان اقشا قاراجاتى بويىنشا كىرىس ولاردى پايدالى اكتيۆتەرگە سالۋ ەسەبىنەن ەمەس, جاڭا ينۆەستورلاردان 200 000 تەڭگەدەن 25 000 000 تەڭگەگە دەيىنگى سوماداعى اقشالاي قاراجاتتى تارتۋ ەسەبىنەن سالىم سوماسىنىڭ 10% - دان 40% - نا دەيىنگى مولشەردە تولەنەتىنىن ايتقان. قىلمىستىق ارەكەتتەن انىقتالعان زالال 222 ملن تەڭگەدەن استى, ونىڭ 131 ملن تەڭگەسى سوتتالۋشىنىڭ ءوز ەركىمەن وتەلدى», دەپ حابارلادى ءباسپاسوز قىزمەتىنەن.سوت ۇكىمىمەن گۇلزات سەرىكقىزى نارىمبەتوۆا 5 جىل 6 اي مەرزىمگە باس بوستاندىعىنان ايىرۋ تۇرىندەگى جازا تاعايىندالدى.

بۇعان دەيىن قاراعاندىدا قارجى پيراميداسىن قۇرعان تاعى ءبىر ايەلدىڭ سوتتالعانى حابارلانعان بولاتىن. ازامات ياكوۆلەۆا ي.ۆ. 2015 جىلدىڭ ناۋرىزىنان 2020 جىلدىڭ ساۋىرىنە دەيىن قاراعاندى ​​جانە پاۆلودار وبلىستارىندا «ليدەر كاپيتال 168 ميكروقارجى ۇيىمى» جشس فيليالدارىن اشىپ, سول قارجى پيراميداسىن باسقارعان.

سوت ۇكىمىمەن ياكوۆلەۆا يرينا ۆيكتوروۆنا كىنالى دەپ تانىلىپ, وعان قارجى ۇيىمىنىڭ, بانكتىك جانە (نەمەسە) ساقتاندىرۋ حولدينگىنىڭ باسشى قىزمەتكەرى لاۋازىمىن اتقارۋ قۇقىعىنان, 7 جىل مەرزiمگە قارجىلىق ۇيىمنىڭ قاتىسۋشىسى قۇقىعىنان  ايىرا وتىرىپ, 9 جىل مەرزىمگە باس بوستاندىعىنان ايىرۋ جازاسى تاعايىندالدى.