پرەزيدەنت قاسىم-جومارت توقاەۆ ءوزى جاريالاعان ماڭىزدى ساياسي جانە ەكونوميكالىق رەفورمالاردى جۇزەگە اسىرۋ ءۇشىن جاڭا تولىق 7 جىلدىق مەرزىمگە تاعايىندالدى. ۇلىبريتانيا قازاقستاننىڭ كەلەشەك وركەندەۋىن, قاۋىپسىزدىگىن جانە دەموكراتيا جولىن قولداۋ ءۇشىن پرەزيدەنتپەن جانە ونىڭ ۇكىمەتىمەن بىرلەسىپ جۇمىس ىستەۋگە دايىن.
بيىل ءبىز تىعىز سەرىكتەستىگىمىزدىڭ 30 جىلدىعىن اتاپ وتتىك. وتكىر جاھاندىق سىن-قاتەرلەر كەزىندە سەرىكتەستىگىمىزدى ودان ءارى نىعايتىپ, سول سىن-قاتەرلەرمەن بىرگە كۇرەسىپ, حالقىمىزدىڭ مۇمكىندىكتەرىن جاقسارتۋعا اسىعامىز.
ءبىز ەقىۇ-نىڭ دەموكراتيالىق ينستيتۋتتار جانە ادام قۇقىقتارى بيۋروسىنىڭ (دياقب) سايلاۋدى باقىلاۋ ميسسياسىنىڭ الدىن الا قورىتىندىلارىن ەسكەرەمىز. بيىل كونستيتۋتسيالىق رەفەرەندۋمدا جانە باسقا دا زاڭداردا قابىلدانعان رەفورمالار اشىق ساياسي پىكىرتالاس پەن ساياسي باسەكەلەستىكتىڭ جاڭا مادەنيەتىن دامىتۋعا ارنالعان.
ەقىۇ-عا قاتىسۋشى مەملەكەتتەر رەتىندە ۇلىبريتانيا دا, قازاقستان دا ادام قۇقىقتارى مەن دەموكراتيالىق ينستيتۋتتاردى قۇرمەتتەمەي تۇراقتى قاۋىپسىزدىككە قول جەتكىزۋ مۇمكىن ەمەس دەگەن قاعيداعا قوسىلعان. ءبىز دياقب-نىڭ الدىن الا جانە قورىتىندى باياندامالارىنداعى ۇسىنىستار قازاقستاندى, ونىڭ ۇكىمەتى مەن حالقى ەگەمەندىك پەن تاۋەلسىزدىككە قول جەتكىزگەننەن كەيىن 30 جىل وتكەن سوڭ رەفورمانىڭ كەلەسى ماڭىزدى كەزەڭىن جۇزەگە اسىرىپ جاتقاندا ودان ءارى قولدايتىنىنا سەنەمىز.
ۇلىبريتانيانىڭ قازاقستانداعى ەلشىلىگى