قاسىم-جومارت توقاەۆتىڭ سايلاۋداعى جەڭىسى قازاقستان تاريحىنداعى حالىق پەن مەملەكەتتىك بيلىك اراسىندا جاسالعان العاشقى ساياسي كەلىسىم دەپ ايتا الامىز. بۇل جەردە ءبىر تۇلعانىڭ جەكە تريۋمفى تۋرالى ايتىپ وتىرعان جوقپىز. بۇل – جۇيەلىك ناتيجەسى, ءىرى ساياسي باستاما.
ق.توقاەۆتىڭ ەڭ كوپ داۋىس جينايتىنى, قالعان كانديداتتاردىڭ باسەكەگە تۇسە المايتىنى ءاۋ باستان-اق بەلگىلى بولدى. دەگەنمەن «بارىنە قارسى» باعانىن ەسكەرسەك, مەملەكەت باسشىسى ۇسىنعان «ادىلەتتى قازاقستان» باعدارلاماسىن ەلىمىزدىڭ قانشا ازاماتى قول- دايتىنى ايقىندالۋعا ءتيىس ەدى.
سايلاۋشىلاردىڭ جوعارى دەڭگەيدە قاتىسۋى جانە ق.توقاەۆقا بەرىلگەن داۋىس الەۋمەتتىك-قۇقىقتىق ادىلەتتىلىك يدەولوگياسى قازاقستاندىقتاردىڭ باسىم بولىگىن قامتىعانىن اڭعارتادى.
بۇل اۋقىمدى جوسپاردى جۇزەگە اسىرۋعا, سول ارقىلى تاريحي مىندەتتى شەشۋگە مەملەكەت باسشىسىندا جەتى جىل ۋاقىت بار. قازاقستاندا 2029 جىلى جاڭا پرەزيدەنت سايلانۋى توقاەۆتىڭ اۆتوكراتيا قۇرۋىنا توسقاۋىل بولادى.
ق.توقاەۆ شەكتەۋلى مەرزىم ىشىندە سىرتقى جانە ىشكى ساياساتتاعى كوپتەگەن ماسەلەنى شەشۋگە ءتيىس. ديپلوماتيالىق الاڭدا قىتاي مەن تۇركيادان مەملەكەتىمىزدىڭ قاۋىپسىزدىگىنە كەپىلدىك الىپ, جوعارى ناتيجەلەرگە قول جەتكىزدى. بىراق پرەزيدەنتتىڭ بولاشاق مۇراسىن باعالاۋدىڭ كىلتى, ارينە, ىشكى الەۋمەتتىك-ەكونوميكالىق ساياساتتىڭ تيىمدىلىگى بولماق.
بەلگىلەنگەن مەرزىمگە بايلانىستى جانە كەز كەلگەن ادامنىڭ ىقتيمال رەۆانشيستىك نيەتىن ەسكەرە وتىرىپ, ادىلدىك يدەولوگياسىن جۇزەگە اسىرۋعا تەك ساياسي ەرىك جەتكىلىكسىز. العاشقى ەلەۋلى ناتيجەلەر كەلەسى جىلى-اق كورسەتىلۋى كەرەك. سوندا حالىقتىڭ مەملەكەت باسشىسىنا ارتقان سەنىمى ارتا تۇسەدى.
زاعيرا بايسماقوۆا,
ەۋرازيالىق ينتەگراتسيا ينستيتۋتىنىڭ ساراپشىسى