قازىرگى ساتتە رەسپۋبليكالىق ماڭىزى بار جولدار اشىق تۇر, دەپ حابارلايدى Egemen.kz «قازاۆتوجول» ۇلتتىق كومپانياسىنىڭ ءباسپاسوز قىزمەتىنە سىلتەمە جاساپ.
«وتكەن دەمالىس كۇندەرى رەسپۋبليكالىق ماڭىزى بار اۆتوجولداردى وڭدەۋ بارىسىندا جولشىلار 1000 م3 كوكتايعاققا قارسى ماتەريال جۇمسادى. بۇگىن رەسپۋبليكالىق تاسجولداردا قىسقى كۇتىپ-ۇستاۋ جۇمىستارىن اتقارۋعا 312 بىرلىك ارنايى تەحنيكا جۇمىلدىرىلدى. ولاردىڭ قاتارىندا اۆتوگرەيدەرلەر, شنەكوروتورلار, قار تازالايتىن جابدىقتارمەن قامتىلعان تيەگىشتەر, تراكتورلار جانە ت.ب. بار. سونداي-اق, اتالمىش جۇمىستارعا 450 جولشى-مامان تارتىلدى», دەلىنگەن ۆەدومستۆو حابارلاماسىندا.
سونىمەن قاتار, دەمالىس كۇندەرى قازاۆتوجولدىڭ بىرىڭعاي تاۋلىك بويى جۇمىس ىستەيتىن call-ورتالىعىنىڭ (1403 قىسقا ءنومىرى ارقىلى حابارلاسۋعا بولادى) قىزمەتكەرلەرى رەسپۋبليكالىق اۆتوجول پايدالانۋشىلارىنان كەلىپ تۇسكەن 1500-دەن استام قوڭىراۋ قابىلدادى.
قىسقى كۇتىپ-ۇستاۋ جۇمىستارى شتاتتىق رەجيمدە جالعاسۋدا. رەسپۋبليكالىق ماڭىزداعى تاسجولدار اشىق.