استانا. 30 مامىر. ەۋرازيالىق ەكونوميكالىق قاۋىمداستىعىنىڭ قۇرىلۋى رەسەي, بەلارۋس جانە قازاقستان اراسىنداعى تاۋار اينالىمىنىڭ كۇرت كۇشەيە تۇسۋىنە ۇلكەن سەرپىن بەرەدى. رەسەيدىڭ ايماقتار ءمينيسترى يگور سليۋنياەۆتىڭ سوزىنە سىلتەمە جاساعان ريا «نوۆوستي» وسىنى حابارلادى.
«رەسەي, بەلارۋس جانە قازاقستان پرەزيدەنتتەرى بەيسەنبى كۇنى استانادا 2015 جىلدىڭ 1 قاڭتارىنان باستاپ ەاەو (ەۋرازيالىق ەكونوميكالىق وداق) قۇرۋ جونىندەگى كەلىسىمگە قول قويدى. وسىلايشا, 170 ميلليون ادامى بار تمد كەڭىستىگىندە دامۋدىڭ جاڭا قۋاتتى ەكونوميكالىق ورتالىعىنا اينالاتىن اسا ءىرى جالپى نارىق قالىپتاستىرۋ اياقتالىپ كەلەدى», - دەلىنگەن حابارلامادا.
«ەاەو-نى قۇرۋ جونىندەگى كەلىسىمگە قول قويۋدىڭ ءبىزدىڭ مەملەكەتتەرىمىز بەن حالىقتارىمىز ءۇشىن ناعىز داۋىرلىك زور ماعىناسى بار. ءبىز جاقىن بولاشاقتا «ۇشتىك» وداعىندا حالىقارالىق بايلانىستار دەڭگەيىندە تاۋار اينالىمى بىرنەشە ەسەلەپ وسەدى دەپ بولجاپ وتىرمىز», - دەپ جەتكىزدى ايماقتار مينيسترلىگىنىڭ ءباسپاسوز قىزمەتى سليۋنياەۆتىڭ ءسوزىن دايەكتەمە ەتىپ الا وتىرىپ.
ءمينيستردىڭ سوزىنە قاراعاندا, جاڭا ەۋرازيالىق ينتەگراتسيا ەكونوميكالىق دامۋدىڭ, سونىڭ ىشىندە ايماقتار, ءىرى قالالار مەن شەكارا تەرريتوريالارىندا تىڭ مۇمكىندىكتەردى اشىپ بەرەدى. كەلىسىمگە قول قويۋشى ەلدەر «جاڭا جيناقى ەڭبەك رەسۋرستارىنا» قول جەتكىزىپ, ەكونوميكانىڭ الۋان ءتۇرلى سالاسىندا بىرلەسكەن كاسىپورىنداردى جۇزەگە اسىرۋدىڭ كەلەشەگىنە قاجام باسادى, دەپ ەسەپتەيدى مينيستر.
مۇرات ايتقوجا.
دەرەككوز: ريا «نوۆوستي».
فوتو: ريا «نوۆوستي». ميحايل كليمەنتەۆ.