ماڭگىلىك ەل داڭعىلى ۋچاسكەسىندە ۇلى دالا كوشەسىنەن قابانباي باتىر داڭعىلىنا دەيىن جانە كەرى باعىتتا جىلدامدىق رەجيمى وزگەرتىلدى, دەپ جازادىEgemen.kz.
بۇرىن اتالعان ۋچاسكەدە تۇرعىن جانە اكىمشىلىك قۇرىلىستاردىڭ بولماۋىنا بايلانىستى كولىكتىڭ ەڭ جوعارى جىلدامدىعى ساعاتىنا 80 شاقىرىمعا دەيىن بەلگىلەنگەن ەدى.
قازىرگى ۋاقىتتا بىرقاتار تۇرعىن ءۇي كەشەنى مەن سەرۆيس نىساندارىنىڭ سالىنىپ, پايدالانۋعا بەرىلۋىنە وراي جول قاۋىپسىزدىگىن قامتاماسىز ەتۋ ماقساتىندا جىلدامدىق ساعاتىنا 60 شاقىرىمعا دەيىن تومەندەتىلگەن.
سونىمەن قاتار, جىلدامدىق رەجيمى «باعىستان» تۇرعىن الابىنان وڭتۇستىك اينالما جولعا دەيىنگى انىراقاي كوشەسىنىڭ ۋچاسكەسىندە وزگەرتىلدى. بۇل ۋچاسكەدە ەڭ جوعارى جىلدامدىق ساعاتىنا 80 شاقىرىم بولىپ بەلگىلەندى.
«كولىكتى اتالعان وزگەرىستەردى نازارعا الىپ, قازاقستان رەسپۋبليكاسىنىڭ جول قوزعالىسى ەرەجەلەرىن ساقتاي وتىرىپ جۇرگىزۋدى سۇرايمىز. اتالعان بارلىق ۋچاسكەدە جول قوزعالىسى ەرەجەلەرىن بۇزۋشىلىقتاردى, ونىڭ ىشىندە جىلدامدىق رەجيمىن تىركەيتىن «سەرگەك» كامەرالارى جۇمىس ىستەيدى», - دەپ ەسكەرتەدى دەپارتامەنتتەن.