الماتىدا كوپقاباتتى تۇرعىن ۇيلەردىڭ بىرىندە قۇتقارۋشىلار بەينەلەنگەن مۋرال پايدا بولدى, دەپ حابارلايدى Egemen.kz.
مۋرال «اينابۇلاق» شاعىن اۋدانىنداعى توعىز قاباتتى ءۇيدىڭ قاسبەتىنە سالىنعان.
«قۇتقارۋشىلار ارقاشان الدىڭعى قاتاردا, ءوز ومىرلەرىن قاتەرگە تىگەدى. سوندىقتان دا ەل قۇرمەتىنە بولەنگەن ماماندىق. قابىرعادا كىشكەنتاي قىزدى جالىننان الىپ شىققان ءورت ءسوندىرۋشى – قۇتقارۋشى بەينەلەنگەن. ايتا كەتۋ كەرەك, ۇقساس بەينەلەر, مۇسىندەر توتەنشە جاعدايلاردى جويۋعا دا ولاردىڭ الدىن الۋعا دا قاتىسقان بارلىق قۇتقارۋشىلاردىڭ ۇجىمدىق بەينەسى», دەپ حابارلادى تجد ءباسپاسوز قىزمەتى.
مۋرالدا تج بولعان جاعدايدا حابارلاسۋ قاجەت «112» نومەرى دە بەينەلەنگەن. تاقىرىپتىق مۋرال حالىق اراسىندا ءورت-پروفيلاكتيكالىق جۇمىس اياسىندا جەتىسۋ اۋدانى اكىمى اپپاراتىنىڭ قولداۋىمەن جانە اۋداندىق توتەنشە جاعدايلار باسقارماسىمەن بىرلەسىپ سالىنعان. بۇگىنگى كۇنى توتەنشە جاعدايلار دەپارتامەنتىندە ءورت ءسوندىرۋشى-قۇتقارۋشىلار مەن جۇرگىزۋشىلەردىڭ 230-دان استام بوس ورنى بار. سوندىقتان جاستاردى ازاماتتىق قورعاۋ ورگاندارىنا قىزمەتكەرلەر قاتارىنا تارتۋ ماسەلەسى وزەكتى بولىپ وتىر.