قر يندۋستريا جانە ينفراقۇرىلىمدىق دامۋ ءمينيسترىنىڭ بۇيرىعىمەن اۆتوموبيل جولدارى كوميتەتى توراعاسىنىڭ ورىنباسارى قىزمەتىنە انار عابدۋللينا تاعايىندالدى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
انار مومىنعازىقىزى عابدۋللينا 1980 جىلعى 11 قاڭتاردا دۇنيەگە كەلگەن.
س.م.تورايعىروۆ اتىنداعى پاۆلودار مەملەكەتتىك ۋنيۆەرسيتەتىن, د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىن جانە رەسەي فەدەراتسياسى پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن تامامداعان. كاسىبي ماماندانعان سالالارى – قالا قۇرىلىسى جانە كوممۋنالدىق شارۋاشىلىق, جولدار مەن اۋەايلاقتار سالۋ, مەملەكەتتىك جانە مۋنيتسيپالدى باسقارۋ.
انار مومىنعازىقىزى عابدۋللينا «قۇرمەتتى جولشى» ءتوس بەلگىسىنىڭ يەگەرى.
ەڭبەك جولىن 2003 جىلى 2-ءشى كاتەگوريالى ينجەنەرى بولىپ باستاعان. ءار جىلدارى قر كولىك جانە كوممۋنيكاتسيا مينيسترلىگى اۆتوموبيل جولدارى كوميتەتى پاۆلودار وبلىستىق دەپارتامەنتىنىڭ جەتەكشى مامانى, ساپانى باقىلاۋ جانە جۇمىستاردى قابىلداۋ ءبولىمىنىڭ باس مامانى, پايدالانۋ جانە قوزعالىس قاۋىپسىزدىگى ءبولىمىنىڭ باسشىسى, قر ككم اۆتوموبيل جولدارى كوميتەتى عىلىم, ساپا جانە كونتسەسسيالىق جوبالار باسقارماسىنىڭ باس ساراپشىسى, پايدالانۋ جانە جۇمىلدىرۋ دايىندىعى باسقارماسىنىڭ باس ساراپشىسى, كەيىن اتالعان باسقارمانىڭ جەتەكشىسى, جوبالاردى دايىنداۋ باسقارماسىنىڭ باسشىسى, عىلىم جانە جۇمىستاردىڭ ساپاسى باسقارماسىنىڭ جەتەكشىسى, جۇمىستاردىڭ ساپاسى جانە جەرگىلىكتى جەلىنى دامىتۋ باسقارماسىنىڭ باسشىسى لاۋازىمدارىندا ەڭبەك ەتكەن.
2019 جىلدىڭ قىركۇيەك ايىنان باستاپ بۇگىنگى كۇنگە دەيىن قر يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتى جەرگىلىكتى جەلىنى دامىتۋ باسقارماسى باسشىسى قىزمەتىن اتقاردى.