يندونەزيادا وتكەن ءسامميتتىڭ قورىتىندىسى بويىنشا G20 ەلدەرىنىڭ كوشباسشىلارى بىرلەسكەن مالىمدەمە جاسادى, دەپ حابارلايدى Egemen.kz.
G20 ەلدەرىنىڭ باسىم بولىگى ۋكرايناداعى سوعىستى ايىپتادى. سونداي-اق قۇجاتتا G20 قۇرامىنا كىرەتىن ەلدەر استىق مامىلەسىن جۇزەگە اسىرۋدى جاقتايتىنى ايتىلعان.
سونىمەن بىرگە بۇل ەلدەردىڭ كوشباسشىلارى اۋىلشارۋاشىلىق ونىمدەرىنىڭ اشىق ساۋداسىن قولدايدى.
ء«بىز اۋىل شارۋاشىلىعى ونىمدەرىنىڭ جاھاندىق ساۋدا ەرەجەلەرىن جاڭارتۋ جانە ازىق-ت ۇلىك ساۋداسىن جەڭىلدەتۋ قاجەتتىلىگىن, سونداي-اق ازىق-ت ۇلىك پەن تىڭايتقىشتاردىڭ ەكسپورتىنا تىيىم سالۋلار مەن شەكتەۋلەردى دسۇ-نىڭ ءتيىستى ەرەجەلەرىنە سايكەس كەلمەيتىن تارتىپپەن ەنگىزبەۋدىڭ ماڭىزدىلىعىن راستايمىز», دەلىنگەن قۇجاتتا.
جيىرما ەل ازىق-ت ۇلىك داعدارىسىنان زارداپ شەككەن مەملەكەتتەرگە قول ۇشىن سوزۋعا شاقىرىپ, سانكتسيالاردان گۋمانيتارلىق قىزمەتتى شىعارۋدى جاقتادى.
قۇجاتتا G20 ەلدەرى سوڭعى عىلىمي جەتىستىكتەر مەن ءارتۇرلى ۇلتتىق جاعدايلاردى ەسكەرە وتىرىپ, پارنيكتىك گازدار/كومىرتەگى بەيتاراپتىعىنىڭ جاھاندىق تازا نولدىك شىعارىندىلارىنا قول جەتكىزۋ مىندەتتەمەسىن راستاعانى كورسەتىلگەن.
G20 ەلدەرى ەنەرگيا رەسۋرستارىنا قول جەتكىزۋدەگى ولقىلىقتاردى جويۋعا جانە «ەنەرگەتيكالىق كەدەيلىكتى» جويۋعا نازار اۋداردى. بۇل ەلدەردىڭ وكىلدەرى كليماتتىڭ وزگەرۋىمەن كۇرەسۋگە نيەتتى ەكەنىن بىلدىرەدى.
سونداي-اق قۇجاتتا ەلدەر «سىبايلاس جەمقورلىققا نولدىك توزىمدىلىك» قاعيداتىن ۇستاناتىنى كورسەتىلگەن.
ەلدەر وكىلدەرى زاڭسىز كوشى-قونعا قارسى كۇرەس ماسەلەسىن قوزعاپ, سونداي-اق اقشانى جىلىستاتۋعا, تەرروريزمدى قارجىلاندىرۋعا قارسى كۇرەستى كۇشەيتۋگە شاقىردى.
G20 كيبەركەڭىستىكتەگى جالعان اقپاراتپەن جانە قاۋىپ-قاتەرگە قارسى تۇرۋدىڭ ماڭىزدىلىعىن تالقىلادى. سونداي-اق ەلدەر اراسىندا تسيفرلىق ەكونوميكاعا جەدەل كوشۋ پروتسەسى جۇرگىزىلەدى.
ايتا كەتسەك, باليدەگى سامميتتە G20 ەلدەرى COVID-19 ۆاكتسينالارىنا جالپىعا بىردەي قولجەتىمدىلىكتى قامتاماسىز ەتۋ ءۇشىن جۇمىس ىستەۋگە دايىن ەكەنىن مالىمدەدى.