قازاقستاندىق تەننيسشى الەكساندر نەدوۆەسوۆ سلوۆاكيانىڭ براتيسلاۆا قالاسىندا ۇيىمداستىرىلعان Peugeot Slovak Open چەللەندجەر ءتۋرنيرىنىڭ جۇپتىق سىنىندا جەڭىمپاز اتاندى.
جۇلدە قورى 68 مىڭ ەۋروعا باعالانعان براتيسلاۆاداعى تۋرنيردە جەرلەسىمىز ۋكراينالىق دەنيس مولچانوۆپەن بىرگە جۇپ قۇراپ ونەر كورسەتتى. وسى دودانىڭ ءۇشىنشى راكەتكاسى رەتىندە تىركەلگەن قازاقستاندىق-ۋكراينالىق جۇپ باس جۇلدە ءۇشىن وتكەن فينال باسەكەسىندە چەحيالىقتار – پەتر نوزا مەن اندرەي پولسوندى ءۇش سەتتە – 4:6, 6:4, 10:6 ەسەبىمەن تىزە بۇكتىرىپ, ءتۋرنيردىڭ جەڭىمپازدارى اتاندى.
وسىلايشا, الەكساندر نەدوۆەسوۆ ءوزىنىڭ سپورت جولىندا چەللەندجەر تۋرنيرلەرىندە 25-تيتۋلىنا قول جەتكىزدى. بۇل – قازاقستاندىق تەننيسشىنىڭ جەكە رەكوردى. جەرلەسىمىز 25 تيتۋلىنىڭ ۇشەۋىن جەكەلەي سىندا, 22-ءسىن جۇپتىق سايىستا جەڭىپ الدى. ا.نەدوۆەسوۆ ءۇشىن 2021 جىل اسا تابىستى بولىپ, جەتى رەت ءارتۇرلى تۋرنيرلەردىڭ باس جۇلدەسىن جەڭىپ العان ەدى.