قازاقستان ۋكراينادا سايلاۋ ۋچاسكەسىن اشپاۋ تۋرالى شەشىم قابىلدادى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى, دەپ حابارلايدى Egemen.kz.
ايبەك سمادياروۆتىڭ ايتۋىنشا, ۋكرايناداعى قازاقستاندىقتار كورشى ەلدەرگە بارىپ, سول جاقتان داۋىس بەرە الادى.
«ۋكرايناداعى جاعدايعا بايلانىستى بۇل جولى سايلاۋ ۋچاسكەسىن اشپادىق. سوندىقتان ولار قالاسا كورشى ەل – مولدوۆا, پولشاعا بارىپ, سول جەردە داۋىس بەرە الادى. بىراق داۋىس بەرۋشىلەر ولارعا بيۋللەتەن دايىنداپ قويۋ ءۇشىن, ەلشىلىككە الدىن الا حابارلاۋى كەرەك», دەدى ا. سمادياروۆ.
ايتا كەتەيىك, 20 قاراشادا قازاقستاندا كەزەكتەن تىس پرەزيدەنت سايلاۋى وتەدى.