اقمولا وبلىسىندا كاسىپكەرلەردەن اقشا بوپسالاعان قىلمىستىق توپ قۇرىقتالدى. كۇدىكتى توپتا 26-دان 32 جاسقا دەيىنگى ارالىقتاعى 6 ەر ادام بار, دەپ حابارلايدى Egemen.kz.
«قوقان-لوققى كورسەتىپ, كۇش قولدانۋ ارقىلى ۇستالعانداردىڭ جەرگىلىكتى كاسىپكەرلەردىڭ بىرىنەن 2,5 ملن تەڭگە بوپسالاپ, ونىڭ Subaru Outback اۆتوكولىگىن تارتىپ العانى انىقتالدى. بۇگىندە ۇستالعانداردىڭ وبلىس اۋماعىندا بىرقاتار ۇقساس قىلمىسقا قاتىسى بار ەكەنى انىقتالدى. جەدەل اقپارات بويىنشا بۇرىن بىرنەشە رەت قىلمىستىق جاۋاپكەرشىلىككە تارتىلعان كۇدىكتىلەر «ۇرىلار يدەولوگياسىن» ۇستانىپ, ونى جاستار اراسىندا ناسيحاتتاعان. سونداي-اق توپ مۇشەلەرى قارۋ قولدانىپ, اقشا بوپسالاعان. مۇندا ولار تالاپ قويۋ ءۇشىن جالعان سىلتاۋلاردى قولدانعان», دەپ جازىلعان Polisia.kz تاراتقان اقپاراتتا.
ءتىنتۋ بارىسىندا ولاردان جابىرلەنۋشىلەردى قورقىتۋ ءۇشىن قولدانىلعان ەسىرتكى, سۋىق جانە اتىس قارۋى تاركىلەندى. وسى فاكتىلەر بويىنشا قر قك-ءنىڭ 194-بابىنىڭ 2-بولىگىمەن «بوپسالاۋ» بويىنشا سوتقا دەيىنگى تەرگەۋ جۇرگىزىلۋدە. كۇدىكتىلەر قاماۋعا الىندى.