قازاقستاندىق الەكساندر نەدوۆەسوۆ جۇپتىق سىندا براتيسلاۆا قالاسىندا (سلوۆاكيا) وتكەن Peugeot Slovak Open چەللەندجەر ءتۋرنيرىنىڭ جەڭىمپازى اتاندى, دەپ حابارلايدى Egemen.kz.
قازاقستاندىق تەننيسشى ۋكراينالىق دەنيس مولچانوۆپەن بىرگە جۇلدە قورى 68 مىڭداي ەۋروعا باعالانعان جارىستا ۇزدىك شىقتى.
دودانىڭ ءۇشىنشى راكەتكاسى بولىپ تىركەلگەن قازاقستاندىق-ۋكراينالىق جۇپ فينالدا چەحيالىقتار پەتر نوزا - اندرەي پولسوندى 4:6, 6:4, 10:6 ەسەبىمەن تىزە بۇكتىردى.
وسىلايشا نەدوۆەسوۆ ءوزىنىڭ سپورت جولىندا چەللەندجەر تۋرنيرلەرىندە 25-تيتۋلىنا قول جەتكىزدى. سونىڭ ۇشەۋىن جەكەلەي, 22-ءسىن جۇپتىق سىندا جەڭىپ الدى. وتكەن جىل نەدوۆەسوۆ ءۇشىن اسا تابىستى بولدى, ول جەتى رەت چەمپيون اتاندى. بۇل - ونىڭ جەكە رەكوردى.