زەينەتاقى قورىنىڭ كىرىسى ارتتى

2014 جىلدان بەرى ۇلتتىق بانك قامتاماسىز ەتكەن تازا ينۆەستيتسيالىق كىرىس (بارلىق زەينەتاقى اكتيۆتەرىن بجزق-عا بىرىكتىرۋ ءۇردىسىنىڭ اياقتالۋى) 6,8 ترلن تەڭگە بولعان.

«2022 جىلعا ءتان قارجى نارىعىنىڭ قۇبىلمالىلىعىنا قاراماستان, زەينەت­اقى اكتيۆتەرىنىڭ ينۆەستيتسيالىق پورت­فەلىن قۇرالدار, سالالار جانە ۆاليۋتالار بويىنشا ءارتاراپتاندىرۋ ەسەبىنەن شىلدە ايىندا 9 ايدىڭ قورىتىندىسى بويىنشا وڭ ينۆەستيتسيالىق كىرىس الىندى. سالىمشىلار مەن الۋشىلاردىڭ شوتتارىنا 716,8 ملرد تەڭگە مولشەرىندە تازا ينۆەستيتسيالىق كىرىس ەسەپتەلدى. زەينەتاقى اكتيۆتەرى بويىنشا ۇلتتىق بانك قامتاماسىز ەتكەن سوڭعى 12 ايدا­عى كىرىستىلىك (2021 جىلعى قازاننان 2022 جىلعى قىركۇيەككە دەيىن) 7,52 پايىز­دى قۇرادى», دەلىنگەن بجزق حابارلاماسىندا.

ايتا كەتۋ كەرەك, زەينەتاقى جيناق­تارى – بۇل ۇزاق مەرزىمدى ينۆەستيتسيالار. ينۆەستيتسيالىق كىرىستىڭ مولشەرىن كەمىندە 1 جىل كەزەڭىندە تالداۋ ورىندى. قور ساراپشىلارىنىڭ ايتۋىنشا, قىسقا مەرزىمدى دەرەكتەر (اپتا سايىنعى, اي سايىنعى جانە ت.ب.) ايقىن ناتيجە كورسەتپەيدى, ويتكەنى ول نارىقتىڭ ۇنەمى قۇبىلمالىلىعىنا تاۋەلدى. مىسالى, زەينەتاقى اكتيۆتەرىنىڭ 5 جىل ىشىندەگى جيناقتالعان كىرىستىلىگى – 55,8 پايىز, جيناقتالعان ينفلياتسيا 53,7 پايىزدى قۇراعان.

ەگەر ودان دا ۇزاقمەرزىمدى كەزەڭدى الساق, وندا جيناقتاۋشى زەينەتاقى جۇيە­سى قۇرىلعان كۇننەن باستاپ (1998 جىل) 2022 جىلعى 1 قازانداعى ينۆەستيتسيالىق كىرىستىلىك ءوسۋ قورىتىندىسىمەن 722,84 پايىزعا جەتكەن. ال بۇكىل كەزەڭدەگى ينفلياتسيا – 646,37 پايىز.

وسىلايشا, ورتا جانە ۇزاقمەرزىمدى تالداۋدا زەينەتاقى جيناقتارىنىڭ وڭ ناقتى (جيناقتالعان ينفلياتسيادان اساتىن) كىرىستىلىگى قامتاماسىز ەتىلىپ وتىر. ينۆەستيتسيالىق باسقارۋدىڭ جانە زەينەتاقى اكتيۆتەرىن ەسەپكە الۋدىڭ بارلىق جۇيەسى اشىق: ءاربىر سالىمشى ءوزىنىڭ ينۆەستيتسيالىق تابىسىن قوردىڭ سايتى نەمەسە ۇيالى قوسىمشاداعى جەكە كابينەتتەن كورە الادى.

ينۆەستيتسيالىق باسقارۋداعى زەي­نەت­اقى اكتيۆىنىڭ جالپى كولەمى 14,1 ترلن تەڭگەدەن اسسا, ۇلتتىق بانكتىڭ سەنىم­گەرلىك باسقارۋىنداعى اكتيۆ مولشەرى – 14 095,38 ملرد تەڭگە, جەكە كوم­پا­نيالارداعى اكتيۆتەر – 9,06 ملرد تەڭگە. قور اكتيۆتەرى قارجى مينيس­تر­لى­گىنىڭ وبليگاتسيالارىمەن قاتار كۆازي­مەملەكەتتىك كومپانيالاردىڭ (1 725,87 ملرد تەڭگە – پورتفەلدىڭ 12,24 پايى­زى), ەكىنشى دەڭگەيدەگى بانكتەردىڭ (ەدب وبليگاتسيالارى – 929,12 ملرد تەڭگە نەمەسە پورتفەلدىڭ 6,59 پايىزى; ەدب دەپوزيتتەرى – 197,09 ملرد تەڭگە, 1,4 پايىزى) جانە حالىقارالىق قارجى ۇيىمدارىنىڭ (382,32 ملرد تەڭگە, 2,71 پايىزى) باعالى قاعازدارىنا جانە باسقا قارجى قۇرالدارىنا ينۆەستيتسيالانادى.

زەينەتاقى اكتيۆتەرى ەسەبىنەن ساتىپ الىنعان قارجى قۇرالدارى نومي­نال­دانعان ۆاليۋتالار بولىنىسىندە ينۆەستيتسيالىق پورتفەل بىلايشا ۇسىنىلعان. ۇلتتىق ۆاليۋتاداعى ينۆەس­تيتسيالار – 70,17 پايىز, اقش دوللارىندا – 29,75 پايىز, باسقا ۆاليۋتادا – زەينەتاقى اكتيۆتەرى پورتفەلىنىڭ 0,08 پايىزى.

ەلىمىزدە قازىر ينۆەستيتسيالىق پورت­فەل­دى باسقارۋشى ءتورت كومپانيا بار. ولارعا بەرىلگەن جالپى قاراجات كولەمى – 9,06 ملرد تەڭگە بولسا, سونىڭ 4,045 ملرد تەڭگەسى «Jusan Invest» اق سەنىمگەرلىك باسقارۋىندا. بۇل كومپانيانىڭ  باسقارۋىنداعى زەينەتاقى اكتيۆتەرىنىڭ تابىستىلىعى جىل باسىنان بەرى 0,64 پايىز, 12 ايدا 4,83 پايىز بولدى. «Halyk Global Markets» اق-نىڭ سەنىمگەرلىك باسقارۋىنداعى زەينەتاقى اكتيۆتەرى 2022 جىلدىڭ 1 قازانىنا – 2,58 ملرد تەڭگە. كىرىستىلىك جىلدىڭ باسىنان بەرى 1,16 پايىز بولسا, 12 ايدا – 4,5 پايىز. «BCC Invest» اق 1,46 ملرد تەڭگەنى باسقارادى. ينۆەستيتسيالىق قىزمەت­تىڭ ناتيجەسىندە «BCC Invest» اق باسقا­رۋىنداعى زەينەتاقى اكتيۆتەرىنىڭ كىرىستىلىگى وسى جىلدىڭ باسىنان بەرى -0,38 پايىز, سوڭعى 12 ايدا 3,31 پا­يىزدى قۇرادى.

2022 جىلدىڭ 1 قازانىنداعى جاعداي بويىنشا «سەنتراس سەكيۋريتيز» اق سەنىمگەرلىك باسقارۋىنداعى بجزق زەينەتاقى اكتيۆتەرى – 0,97 ملرد تەڭگە. «سەنتراس سەكيۋريتيز» باسقارۋىنداعى زەينەتاقى اكتيۆتەرىنىڭ كىرىستىلىگى 2022 جىلدىڭ باسىنان بەرى – 2,06 پايىز, سوڭعى 12 ايدا 4,74 پايىزدى قۇرادى.

زەينەتاقى جيناقتارىن يپب باس­قا­رۋىنا اۋدارعان كەزدە مەملەكەت كە­پىل­­دىگى باسقارۋشى كومپانيانىڭ زەي­­نەت­اقى اكتيۆتەرى كىرىستىلىگىنىڭ ەڭ تومەنگى دەڭگەيىن قامتاماسىز ەتۋ جو­نىن­دەگى كەپىلدىگىمەن اۋىستىرىلادى. كىرىستىلىكتىڭ ەڭ تومەنگى دەڭگەيى نارىق­تا ارەكەت ەتەتىن يپب باسقارۋىنا بەرىل­گەن زەينەتاقى اكتيۆتەرىنىڭ ورتاشا الىن­عان كىرىستىلىگىن نەگىزگە الا وتىرىپ ەسەپتەلەدى.