قازاقستاندا ەت قىمباتتاعان

بۇل تۋرالى ranking.kz پورتالى زەرتتەۋ جۇرگىزگەن. 

بيىل ەلىمىزدە 1,3 ملن توننا دايىن جەم-ءشوپ وندىرىلگەن, بۇل بىلتىرعىمەن سالىستىرعاندا 11,8% از. ءوندىرىستىڭ باسىم بولىگى الماتى وبلىسىندا: 347,3 مىڭ توننا, ءبىر جىلدا 3%-عا كوبەيگەن. ۇزدىك ۇشتىككە اقمولا (223,8 مىڭ توننا, 0,5% ازايعان) جانە سولتۇستىك قازاقستان (161,1 مىڭ توننا, 18,4% كوبەيگەن) وبلىستارى دا كىردى.

ايتا كەتەيىك, 2021 جىلى جەم-ءشوپ ءوندىرىسى 1,9 ملن توننانى قۇراعان ەدى, بۇل 2020 جىلمەن سالىستىرعاندا 2,6% ارتىق بولعان.

زەرتتەۋ بويىنشا ەلىمىزدە ءىرى قارا مال سانى 9 ملن قۇرايدى, بۇل بىلتىرعىمەن سالىستىرعاندا 4,7%-عا ارتىق. 

سيىر 4,6 ملن, جىلقى سانى 11,7% ءوسىپ, 3,8 ملن, تۇيە - 8,6% ءوسىپ, 265,3 مىڭدى, قوي - 4,2% ءوسىپ, 21 ميلليوندى قۇراعان.

بۇل رەتتە ەشكى 0,8% ازايىپ, 2,5 ملن جانە شوشقا 11,6% ازايىپ, 849,3 مىڭ باستى قۇراعانىن دا ايتا كەتۋ كەرەك.