9 قاراشادا اقتاۋ قالالىق سوتىمەن الاياقتىق جانە پارا بەرۋگە يتەرمەلەگەنى ءۇشىن ازاماتتار كارىموۆ جانە باتىرحانوۆ مەملەكەتتىك قىزمەتكە بارۋعا ءومىر بويىنا تىيىم سالا وتىرىپ, سايكەسىنشە 7 جىل 6 ايعا جانە 7 جىلعا باس بوستاندىعىنان ايىرىلدى, دەپ حابارلايدى Egemen.kz قر سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.
«اگەنتتىك توراعاسىنىڭ كومەكشىسى اتىن جامىلعان كارىموۆ اقتاۋ قالاسى اكىمدىگىنىڭ لاۋازىمدى تۇلعالارىنان كوممەرتسيالىق وبەكتىلەردى ورنالاستىرۋ ءۇشىن ونىڭ اتىنا كاسپي تەڭىزىنىڭ جاعالاۋىنداعى جەر ۋچاسكەسىن رەسىمدەۋدى تالاپ ەتكەنى ءۇشىن كىنالى دەپ تانىلدى», دەلىنگەن ۆەدومستۆو حابارلاماسىندا.
بۇدان باسقا, 2020 جىلعى اقپاندا كارىموۆ باتىرحانوۆپەن الدىن الا ءسوز بايلاسۋ بويىنشا ادامدار توبىندا ارەكەت ەتىپ, ءوزىن ءبىلىم جانە عىلىم ۆيتسە-ءمينيسترى جانە الماتى قالاسى اكىمىنىڭ كومەكشىسى رەتىندە كورسەتە وتىرىپ, بالاباقشا مەڭگەرۋشىسىنەن اكىمشىلىك جاۋاپكەرشىلىككە تارتپاعانى ءۇشىن 1 ملن تەڭگە تالاپ ەتكەن.
ۇكىم ءالى زاڭدى كۇشىنە ەنگەن جوق.