قىمباتشىلىق بۇيىردەن قىسىپ تۇر, اسىرەسە ازىق-ت ۇلىك باعاسىنىڭ ءوسۋى ازاماتتارعا اۋىر ءتيىپ جاتىر. بۇل ورايدا مەملەكەتتىڭ الەۋمەتتىك ماڭىزى بار ازىق-ت ۇلىك ء(امات) ونىمدەرىنىڭ باعاسىن ۇستاپ تۇرۋعا كۇش سالىپ جاتقانى بەلگىلى. الايدا ساۋدا جانە ينتەگراتسيا مينيسترلىگىنىڭ حابارلاۋىنشا, مەملەكەت ءامات باعاسىن تۇراقتاندىرۋدىڭ «قاتاڭ» قۇرالدارىن پايدالانۋدان باس تارتادى.
ۆەدومستۆونىڭ حابارلاۋىنشا, ازىق-ت ۇلىك تاۋارلارىنىڭ تاپشىلىعىن بولدىرماۋ, وتاندىق بيزنەس پەن حالىق مۇددەلەرىنىڭ تەڭگەرىمىن ساقتاۋ ماقساتىندا «قاتاڭ» قۇرالداردى پايدالانۋ جاعدايدى شەشپەيدى. ياعني وسى كەزگە دەيىن دۇرىس دەپ ەسەپتەلگەن – بولشەك باعالاردىڭ شەكتى ءمانىن بەلگىلەپ قويۋ جانە ءامات-قا شەكتى رۇقسات ەتىلگەن بولشەك باعالاردىڭ مولشەرىن بەلگىلەۋدىڭ قولدانىستاعى ەرەجەلەرى ەندىگى كەزەكتە جارامسىز. جارامسىز بولاتىن سەبەبى, بۇل ءتاسىل بيزنەس تاراپىنان رەنىش تۋعىزۋدا.
وسىنى ەسكەرە وتىرىپ, مينيسترلىك جاڭا ەرەجەلەر جوباسىن ازىرلەدى. بۇل قۇجات الەۋمەتتىك ماڭىزى بار ازىق-ت ۇلىك تاۋارلارىن وندىرۋشىلەردىڭ وزىندىك قۇنى مەن وتكىزۋ باعالارىن, لوگيستيكاعا ارنالعان شىعىنداردى, كوتەرمە جانە بولشەك ساتۋشىلاردىڭ 15%-دان اسپايتىن مولشەردەگى ساۋدا ۇستەمەلەرىن, ساقتاۋعا ارنالعان شىعىنداردى, سونداي-اق وندىرۋشىلەر مەن ىشكى ساۋدا سۋبەكتىلەرىنىڭ زالالدى قىزمەتىنە جول بەرمەۋدى ەسكەرەتىن ءامات-قا بولشەك ساۋدا باعالارىنىڭ شەكتى ماندەرىنىڭ مولشەرىن بەلگىلەۋ ءۇشىن جەرگىلىكتى اتقارۋشى ورگانداردىڭ ەسەپ ايىرىسۋ تۇرلەرىن ايقىندايدى.
«جالپى, مەملەكەت اۋىل شارۋاشىلىعى ونىمدەرىن وندىرۋشىلەردى ءوز ونىمدەرىنىڭ باعاسىن ءوز بەتىنشە تۇراقتاندىرۋعا ىنتالاندىرۋعا مۇمكىندىك بەرەتىن «وڭتايلى» رەتتەۋگە بىرتىندەپ كوشۋگە نيەتتى. بۇل – اۋىلشارۋاشىلىق ونىمدەرىن وندىرۋشىلەردى «اينالىم سحەمالارى» بويىنشا تىكەلەي وندىرۋشىلەرگە قارجىلاندىرۋ تاسىلدەرىن وزگەرتۋ, اۋىلشارۋاشىلىق جارمەڭكەلەرىن وتكىزۋ, قىزمەت تىزبەگىن تالداۋ جانە ازىق-ت ۇلىك باعاسىنا تىكەلەي اسەر ەتەتىن ايماقتىق كوميسسيالاردىڭ جۇمىسى اياسىندا ءونىمسىز دەلدالداردى انىقتاۋ سياقتى ادىستەر. بۇدان باسقا, قازىرگى ۋاقىتتا اۋىل شارۋاشىلىعى مينيسترلىگى باعانى تۇراقتاندىرۋ تەتىگى رەتىندە «فورۆارد» ۇعىمىن ەنگىزۋدى كوزدەيتىن ءامات باعاسىن تۇراقتاندىرۋ تەتىكتەرىنىڭ ۇلگىلىك قاعيدالارىنا تۇزەتۋلەر ازىرلەدى», دەلىنگەن مينيسترلىك حابارلاماسىندا.
اتالعان باستامالار اۋىل شارۋاشىلىعى تاۋارىن وندىرۋشىلەردى الەۋمەتتىك ماڭىزى بار تاۋارلاردى وندىرۋگە, ولاردى كەيىننەن بەلگىلەنگەن باعامەن جەتكىزۋگە الدىن الا قارجىلاندىرۋعا مۇمكىندىك بەرەدى.
ۇلتتىق ستاتيستيكا بيۋروسى ۇسىنعان دەرەككە قاراساق, قازان ايىندا جىلدىق ينفلياتسيا 18,8 پايىزعا جەتتى. قىركۇيەكپەن سالىستىرعاندا ينفلياتسيا 1,6 پايىزعا كوتەرىلگەن. وسى قارقىنمەن جىل سوڭىنا دەيىن ينفلياتسيا 20 پايىزدىق مەجەدەن ەركىن اسىپ تۇسەتىن سەكىلدى.