ەلىمىزدەگى جەكە تۇلعالاردىڭ موينىنداعى نەسيەنىڭ جالپى سوماسى 13 ترلن تەڭگەدەن استى, دەپ حابارلايدى Egemen.kz قارجى نارىعىن رەتتەۋ جانە دامىتۋ اگەنتتىگىنە سىلتەمە جاساپ.
ۆەدومستۆو مالىمەتىنشە, قازاقستاندىقتاردىڭ كرەديتتەرى 2022 جىلعى قىركۇيەكتە 2,5% ۇلعايىپ, 13,1 ترلن تەڭگەگە جەتكەن. جەڭىلدەتىلگەن مەملەكەتتىك يپوتەكالىق باعدارلامالاردى جالعاستىرۋ ناتيجەسىندە يپوتەكالىق كرەديتتەۋدىڭ 3,3% نەمەسە 4,3 ترلن تەڭگەگە دەيىن ۇلعايعان. تۇتىنۋ قارىزدارىنىڭ 2,3% نەمەسە 7,2 ترلن تەڭگەگە دەيىن وسكەن.
«1 قازانداعى جاعداي بويىنشا, بانك سەكتورى بويىنشا وتەلمەگەن قارىزداردىڭ دەڭگەيى 802 ملرد تەڭگەگە جەتىپ, جالپى نەسيە پورتفەلىنىڭ 3,6%-ىن قۇرادى. بۇل كورسەتكىش باسىندا 3,3% نەمەسە 669 ملرد تەڭگە ەدى. شاعىن جانە ورتا بيزنەستى قوسا العاندا تۇلعالاردىڭ پورتفەلىندە تولەۋ مەرزىمى 90 كۇننەن ارتىق كەشىكتىرىلگەن قارىزداردىڭ ۇلەسى 3,5% نەمەسە 349 ملرد تەڭگە بولىپ وتىر. جەكە تۇلعالاردىڭ پورتفەلىندە بۇل كورسەتكىش 3,7% نەمەسە 453 ملرد تەڭگە. جۇمىس ىستەمەيتىن قارىزداردى پروۆيزيالارمەن جابۋ 72,8%-دى قۇرايدى», دەلىنگەن اگەنتتىك حابارلاماسىندا.