«Suleimen Promotions» كومپانياسىنىڭ ۇجىمى بوكسشى ايدوس ەربوسىن ۇلىنىڭ جاعدايى مەن دەنساۋلىعىن باقىلاۋعا الدى, دەپ حابارلايدى Egemen.kz.
«ول - ءبىز ءۇشىن كاسىپقوي بوكستاعى مىقتىلاردىڭ ءبىرى. قازىر ايدوس مينەاپوليس قالاسىنداعى ۇزدىك كلينيكالاردىڭ بىرىنە جاتقىزىلدى. دارىگەرلەردىڭ سوزىنشە, جاعدايى بىرقالىپتى. ءبىز ونىڭ دەنساۋلىعى جاقساراتىنىنا سەنىمدىمىز», – دەپ جازىلعان «Suleimen Promotions» تاراتقان حابارلامادا.
اقپاراتتا سپورتشىنىڭ ەمىنە جۇمسالاتىن بارلىق شىعىنداردى ۇيىمداستىرۋشى كومپانيا ءوز موينىنا العانى ايتىلعان.
«سونداي-اق ايدوستىڭ جاۋىنگەرلىك رۋحىن كوتەرۋ ماقساتىندا جانە ءوزىن جاقسىراق سەزىنۋى ءۇشىن قازاقستانداعى جاقىندارىن اقش-قا الدىرتۋ جۇمىستارى جۇرگىزىلىپ جاتىر. ارينە, سپورتتىڭ قاي تۇرىندە دە, سونىڭ ىشىندە كاسىپقوي بوكستا جاراقات الۋ قاۋپى كوپ. الايدا ءبىز ايدوس ەربوسىن ۇلىنىڭ دەنساۋلىعىن جاقسارتۋ ءۇشىن بارلىق كومەكتى كورسەتەتەمىز», – دەلىنگەن كومپانيا تاراتقان جازبادا.