قازاقستان رەسپۋبليكاسىنىڭ زاڭناماسىنا مەملەكەتتىك ءتىلدى بىلمەيتىن ادامداردى ازاماتتىققا قابىلداماۋدى كوزدەيتىن تۇزەتۋ ازىرلەندى. بۇل تۋرالى پرەمەر-ءمينيستر اليحان سمايىلوۆ دەپۋتاتتاردىڭ ساۋالىنا بەرگەن جاۋابىندا جازعان, دەپ حابارلايدى Egemen.kz.
«قازىرگى ۋاقىتتا «قازاقستان رەسپۋبليكاسىنىڭ ازاماتتىعى تۋرالى» زاڭعا مەملەكەتتىك ءتىلدى, تاريح پەن ۇلتتىق زاڭنامانىڭ نەگىزدەرىن بىلمەۋدى ازاماتتىققا قابىلداۋدان جانە قالپىنا كەلتىرۋدەن باس تارتۋ ءۇشىن قوسىمشا نەگىز رەتىندە كوزدەيتىن, سونداي-اق قوس ازاماتتىعى فاكتىلەرىنىڭ الدىن الۋعا باعىتتالعان تۇزەتۋلەر ازىرلەندى», دەلىنگەن ءاليحان سمايىلوۆتىڭ جاۋابىندا.
ۇكىمەت باسشىسى اتاپ وتكەندەي, ايتۋىنشا, جوعارىدا اتالعاە زاڭنامالىق تۇزەتۋلەر «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى-قونى سالاسىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا پارلامەنت دەپۋتاتتارىنىڭ تۇزەتۋلەرى مەن ۇكىمەت قورىتىندىسىنىڭ جوباسىنا ەنگىزىلدى.