الماتى قالاسىندا بەلگىلى اقىن, اۋدارماشى عالي ورمانوۆتىڭ 115 جىلدىق مەرەيتويىنا وراي, ونىڭ لەۆ تولستويدان اۋدارعان «اننا كارەنينا» رومانىنىڭ قازاق تىلىندەگى كىتابىنىڭ تۇساۋكەسەرى ءوتتى, دەپ حابارلايدى Egemen.kz.
اتالعان تۋىندى جەتىسۋ وبلىسى اكىمدىگىنىڭ قولداۋىمەن «مازمۇنداما» باسپاسىندا جارىق كوردى.
العاشىندا 500 دانامەن شىققان ەڭبەك وقىرمانداردىڭ سۇرانىسىنا يە بولىپ, 2000 تيراجعا جەتكەن.
بۇل رەتتە عالي ورمانوۆتىڭ اۋدارما سالاسىنا سىڭىرگەن ەڭبەگى وراسان زور ەكەنىن اتاپ ءوتۋ كەرەك. ول قىرعىزدىڭ «ماناس» ەپوسىنىڭ ءبىرىنشى كىتابىن, پۋشكيننىڭ «قولا شاباندوز» تۋىندىلارىن قازاق تىلىنە تارجىمالاعان. ءىس-شارا بارىسىندا ۇلتتىق كىتاپحانادا «سىرلى سەزىم اقىنى» اتتى عالي ورمانوۆتىڭ شىعارماشىلىعى مەن ومىرىنە ارنالعان كىتاپ كورمەسى ۇيىمداستىرىلدى.
ءىس-شاراعا اقىنىڭ قىزى جاميعا ورمانوۆا, ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى كاكەن حامزين, «جاس الاش» گازەتىنىڭ باس رەداكتورى قايرات ماتىرەكوۆ, «قازاقستان» ۇلتتىق تەلەارناسىنىڭ الماتى قالاسىنداعى فيليالىنىڭ جەتەكشىسى ساۋلە جيرەنشينا, فيلولوگيا عىلىمىنىڭ پروفەسسورى گۇلجاھان وردا, قازاقستان جازۋشىلار كىتاپحانا مەڭگەرۋشىسى, «قۇرمەت» وردەنىنىڭ يەگەرى ەلەنا اعايسا, استانا قالاسىنداعى №88 مەكتەپ-گيمنازياسىنىڭ ديرەكتورى جانات تۇرىسبەكقىزى, استانا قالاسىنداعى عالي ورمانوۆ اتىنداعى №7 مەكتەپ-گيمنازيا ديرەكتورىنىڭ ورىنباسارى قامەتوۆا ايگۇل, بەلگىلى اقىن, حالىقارالىق «الاش» ادەبي سىيلىعىنىڭ يەگەرى, قازاقستان جازۋشىلار وداعى باسقارماسى توراعاسىنىڭ ورىنباسارى باقىت بەدەلحان, كىتاپحانا قىزمەتكەرلەرى, زيالى قاۋىم وكىلدەرى, تاريحشىلار مەن عالىمدار جانە تۋعان جەرى جەتىسۋ وبلىسىنان كەلگەن ارنايى دەلەگاتسيا قاتىستى.