كەشە اقوردادا قازاقستان رەسپۋبيكاسى پرەزيدەنتى اكىمشىلىگىنىڭ باسشىسى نۇرلان نىعماتۋليننىڭ توراعالىق ەتۋىمەن قازاقستان رەسپۋبليكاسى پرەزيدەنتىنىڭ جانىنداعى كادر ساياساتى جونىندەگى ۇلتتىق كوميسسيانىڭ وتىرىسى بولدى, دەپ حابارلادى پرەزيدەنتتىڭ ءباسپاسوز قىزمەتى.
ۇلتتىق كوميسسيانىڭ وتىرىسىندا مەملەكەتتىك قىزمەتتىڭ «ا» كورپۋسىنىڭ كادر رەزەرۆىنە ىرىكتەۋدىڭ قورىتىندىسى شىعارىلدى.
ىرىكتەۋگە قاتىسۋ ءۇشىن بارلىعى 1029 ءوتىنىش بەرىلىپ, تەستىلەۋ ءراسىمىنەن كەيىن 365 ۇمىتكەر اڭگىمەلەسۋگە جىبەرىلدى.
اڭگىمەلەسۋ قورىتىندىسى بويىنشا ۇلتتىق كوميسسيا 149 كانديداتتى رەزەرۆكە الۋعا ۇسىندى.
رەزەرۆشىلەردىڭ تولىق ءتىزىمى مەملەكەتتىك قىزمەت ىستەرى اگەنتتىگىنىڭ رەسمي سايتىندا جاريالاناتىن بولادى.