قازاقستان كومىرتەگى سالىعىن ەنگىزۋ مۇمكىندىگىن قاراستىرادى. بۇل تۋرالى ەكولوگيا, گەولوگيا جانە تابيعي رەسۋرستار مينيسترلىگى مالىمەت تاراتتى. سالىق سالۋ پارنيكتىك گازدار شىعارىندىلارىن ساۋدالاۋدىڭ ۇلتتىق جۇيەسى (ETS) بويىنشا شىعارىندىلارى رەتتەلمەيتىن قوندىرعىلارعا قولدانىلۋى كەرەك, دەپ حابارلايدى Egemen.kz.
«تومەن كومىرتەكتى تەحنولوگيالاردى قابىلداۋ ارقىلى كومىرتەگىنىڭ باعاسىن ايقىنداۋ قۇرالدارى, مىسالى, ETS جانە شىعارىندىلارعا سالىق سەكتورلاردى وندىرۋشىلەردى كومىرتەكسىزدەندىرۋگە كوشۋگە ىنتالاندىرادى. ETS ونەركاسىپ ءۇشىن شىعارىندىلاردىڭ شىعىنىن ناقتىلايدى. وسىلايشا, بۇل باعا سيگنالدارى قازاقستاننىڭ ەنەرگەتيكا سەكتورىنىڭ ترانسفورماتسياسىن قولداۋى مۇمكىن», دەپ ءتۇسىندىردى ەكولوگيا مينيسترلىگىنىڭ وكىلدەرى.