قازاقستاندىق بوكسشى ايدوس ەربوسىن ۇلى كۋبالىق سپورتشىمەن وتكىزگەن جەكپە-جەگىندە اۋىر جاراقات العان, دەپ حابارلايدى Egemen.kz.
ورتا سالماقتاعى قازاقستاندىق بوكسشى ايدوس ەربوسىن ۇلى 6 قاراشا كۇنى تاڭەرتەڭ WBA Regular اتاعى ءۇشىن جەكپە-جەگىندە كۋبالىق دەۆيد موررەلدەن نوكاۋتپەن جەڭىلگەن. Sports.kz تاراتقان اقپارعا قاراعاندا, جەكپە-جەكتەن كەيىن سپورتشى اۋىر حالدە اۋرۋحاناعا جاتقىزىلىپتى.
ميننەاپوليستە وتكەن كەزدەسۋ موررەلدىڭ جەڭىسىمەن اياقتالدى.
جۋرناليست دەن رافاەلدىڭ ايتۋىنشا, جەكسەنبى كۇنى ايدوس كوماعا تۇسكەن. سپورتشىعا ميعا قان كەتۋ دياگنوزى قويىلعان.
ءىس-شارانىڭ تىكەلەي قاتىسۋشىسى بولعان تاعى ءبىر دەرەككوز «ايدوس اۋىر حالدە» ەكەنىن اتاپ ءوتتى.
ال اۋرۋحانا قىزمەتكەرلەرى سپورتشىنىڭ جاعدايىنا قاتىستى قانداي دا ءبىر تۇسىنىكتەمە بەرۋدەن باس تارتتى.
رافاەلدىڭ ارىپتەستەرى دەن كانوببيو مەن دجەفف دجەففري دە ەربوسىن ۇلى جاساندى كوما كۇيىنە ەنگەنى جونىندە اقپارات تاراتتى.