قازاقستاندىق جاس تالانتتاردى انىقتاۋ جانە فورتەپيانو ونەرى سالاسىنداعى جاس مۋزىكانتتاردىڭ شىعارماشىلىق وسۋىنە جاعداي جاساۋ ماقساتىندا قازاقستان رەسپۋبليكاسى مادەنيەت جانە سپورت مينيسترلىگى تاراپىنان «Astana Piano Passion» جاس پيانيستەر بايقاۋى ۇيىمداستىرىلدى, دەپ حابارلايدى Egemen.kz.
ۇيىمداستىرۋشىلار اتاپ وتكەندەي, بايقاۋدىڭ مىندەتى - قازاقستانداعى ۇلتتىق «فورتەپيانو مەكتەبىن» دامىتۋ جانە بالالار مۋزىكالىق جانە مامانداندىرىلعان مەكتەپتەرىنىڭ, ونەر مەكتەپتەرىنىڭ, سونداي-اق باسقا دا قوسىمشا ءبىلىم بەرۋ ۇيىمدارىنىڭ وقۋشىلارى اراسىندا ورىنداۋشىلىق ونەر دەڭگەيىن ارتتىرۋ.
كونكۋرسقا قاتىسۋعا وتىنىمدەردى قابىلداۋ 2022 جىلعى 19 قىركۇيەكتەن 25 قازانعا دەيىن جۇرگىزىلدى. قازىرگى ۋاقىتتا ەلىمىزدىڭ بارلىق وڭىرلەرىندە ىرىكتەۋ تۋرى ءجۇرىپ جاتىر.
بايقاۋ قازاقستاننىڭ 7 جاستان 17 جاسقا دەيىنگى جاس پيانيستەرى اراسىندا كەلەسى جاس ساناتتارىندا وتكىزىلەدى:
- 7 جاستان 10 جاسقا دەيىنگى كىشى سانات;- 11 جاستان 14 جاسقا دەيىنگى ورتاشا سانات;- 15 جاستان 17 جاسقا دەيىنگى اعا سانات.
كونكۋرستىڭ جارتىلاي فينالى-ىرىكتەۋ كەزەڭىنەن وتكەن قاتىسۋشىلاردى تىڭداۋ, شەبەرلىك سىنىپتارىن وتكىزۋ استانادا 2022 جىلدىڭ سوڭىندا وتەدى. گالا-كونتسەرت جانە جەڭىمپازدار مەن ديپلومانتتاردى سالتاناتتى ماراپاتتاۋ ءراسىمى 2022 جىلدىڭ 23 قاراشاسىندا ەلوردادا وتەدى.
بايقاۋ قازىلارى القاسىنىڭ قۇرامىنا قازاقستاننىڭ جەتەكشى مادەنيەت جانە ونەر قايراتكەرلەرى مەن فورتەپيانو ونەرى سالاسىنداعى حالىقارالىق بايقاۋلاردىڭ لاۋرەاتتارى كىردى.