وتكەن تاۋلىكتە اقمولا, قوستاناي جانە سولتۇستىك قازاقستان وڭىرلەرىنىڭ رەسپۋبليكالىق ماڭىزى بار كۇرە جولدارىندا جاڭبىر مەن قار جاۋىپ, جولشى ماماندار ءتۇنى بويى كوكتايعاقتى الدىن الۋعا باعىتتالعان جۇمىستاردى اتقاردى, دەپ حابارلايدى Egemen.kz.
قازاۆتوجول ۇلتتىق كومپانياسىنىڭ ءباسپاسوز قىزمەتى حابارلاعانداي, 4 قاراشادان 5 قاراشاعا قاراعان ءتۇنى اتالمىش وڭىرلەردەگى رەسپۋبليكالىق ماڭىزى بار جولداردى قاردان تازارتۋعا, كوكتايعاققا قارسى ماتەريال سەبۋگە, سونداي-اق پاترۋلدەۋ جۇمىستارىنا 144 بىرلىك ارنايى تەحنيكا مەن 230 ادام جۇمىلدىرىلدى. كۇن رايى ناشارلاعان ساتتەن باستاپ 1 مىڭ م3 كوكتايعاققا قارسى ماتەريال پايدالانىلدى.
قازىرگى ۋاقىتتى ەلىمىزدەگى رەسپۋبليكالىق ماڭىزى بار جولدار اشىق. جولشى ماماندار قىسقى-كۇتىپ ۇستاۋ جۇمىستارىن اتقارۋدى جالعاستىرىپ جاتىر.