قازاقستاندىق تەننيسشىلەر تۇركيانىڭ انتاليا قالاسىندا ءوتىپ جاتقان ITF World Tennis Tour W15 ءتۋرنيرىنىڭ ەكىنشى اينالىمىنا جولداما الدى, دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.
قازاقستاندىق جانەل رۇستەموۆا باستاپقى كەزدەسۋىن تۇركيا وكىلى لەيلا ەلمازعا قارسى وتكىزىپ, 6:3, 6:0 ەسەبىمەن جەڭىسكە جەتتى.
ەندى ەكىنشى اينالىمدا جاس تەننيسشى جارىستىڭ 5-ءشى راكەتكاسى, رەسەيلىك اننا ۋرەكەمەن شەبەرلىك بايقاسادى.
تاعى ءبىر قازاقستاندىق ارۋجان ساعىندىقوۆا ءۇش سەتكە سوزىلعان تارتىستى باسەكەدە شۆەيتساريالىق كاتەرينا تسىگۋروۆانى 5:7, 7:5, 6:4 ەسەبىمەن ويسىراتا جەڭدى.
«شيرەك فينالعا جولداما الۋ ءۇشىن ارۋجان شۆەتسيالىق يۋليا لوكۆيستپەن كەزدەسەدى. ول سونىمەن قاتار جۇپتىق سىندا دا ءساتتى ونەر كورسەتىپ كەلەدى. ساعىندىقوۆا تايبەيلىك يۋ-يۋن ليمەن بىرگە چەحيالىقتار يزابەللا حەنزوۆا – لۋچا زاستەروۆانى 6:2, 7:6 (7:2) ەسەبىمەن تىزە بۇكتىرىپ, شيرەك فينالعا جولداما الدى», دەلىنگەن قتف حابارلاماسىندا.
ال ساندۋعاش كەنجەباەۆا العاشقى اينالىمدا جەكەلەي سىندا چەحيالىق دەنيسا حاردينكوۆاعا 1:6, 1:6 ەسەبىمەن ەسە جىبەردى.