جۋىردا استانا قالاسى جاستار ساياساتى ماسەلەلەرى باسقارماسى «استانا جاستارى» جاستار رەسۋرستىق ورتالىعىمەن بىرلەسە وتىرىپ تۇراقتى ۇيىمداستىرۋشىسى «قازاقستانداعى تەل-اۆيۆ ۋنيۆەرسيتەتىنىڭ دوستار قاۋىمداستىعى» زاڭدى تۇلعالار بىرلەستىگى بولىپ كەلە جاتقان «TOM: Astana» الەۋمەتتىك جوباسى بويىنشا PreTOM مەيكاتونىنىڭ ءبىرىنشى كەزەڭىن وتكىزدى.
قازاقستاننىڭ ءار قالاسىنان 10 كوماندا قاتىسىپ, قولدانىسقا بەيىمدى تۇپۇلگىلەر ارنالىپ جاسالاتىن مۇمكىندىگى شەكتەۋلى ادامدارمەن تانىستى. جوباعا قاتىسۋشىلار مۇمكىندىگى شەكتەۋلى ادامدارمەن بىرگە ەكىنشى كەزەڭدە جۇزەگە اسىرۋعا تۋرا كەلەتىن جوبالارى مەن يدەيالارىنىڭ العاشقى نوبايلارىن جاسادى. اتاپ ايتقاندا, جۇگىرۋگە ارنالعان تىزەدەن جوعارى اياق پروتەزى; مەحانيكالىق مۇگەدەكتەر ارباسىنا ارنالعان ەلەكتر تىركەمەسى; سلەدج حوككەي جاتتىعۋلارىنا ارنالعان شانالار; قاشىقتىقتا بوگەۋلەردى انىقتاپ بەلگى بەرەتىن, كەڭىستىكتە كوزى كورمەيتىندەردى باعدارلايتىن قۇرىلعى; قىسقى مەرزىمدە جىلجۋعا ارنالعان مۇگەدەكتەر ارباسىنىڭ دوڭگەلەكتەرىن بەيىمدەۋگە مۇمكىندىك بەرەتىن كومەكشى قۇرالدار جانە ت.ب. ءبىرىنشى كەزەڭنەن سوڭ كوماندالار ءبىر اي بويى شىعىس ماتەريالدارىن ساتىپ الۋعا ارنالعان ءتىزىمدى جاساۋمەن اينالىسسا, مەيكاتوننىڭ ەكىنشى كەزەڭىندە كوماندالار وزدەرىنىڭ تۇپۇلگىلەرىن قۇرىپ, جاساۋعا كىرىسەدى. سونداي-اق قازىلار القاسى الدىندا تانىستىرادى.