قر پرەمەر-ءمينيسترى ءاليحان سمايىلوۆ ەكونوميكالىق ساياسات جونىندەگى كەڭەس وتىرىسىن وتكىزدى, وندا ەكونوميكانى نەسيەلەندىرۋ ماسەلەلەرى قارالدى, دەپ حابارلايدى Egemen.kz.
تالقىلاۋعا قر ۇلتتىق بانكىنىڭ توراعاسى عالىمجان ءپىرماتوۆ, قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى تيمۋر سۇلەيمەنوۆ, قازاقستان قارجىگەرلەرى قاۋىمداستىعى كەڭەسىنىڭ توراعاسى ەلەنا باحمۋتوۆا, قارجى نارىعىن رەتتەۋ جانە دامىتۋ اگەنتتىگى توراعاسىنىڭ ءبىرىنشى ورىنباسارى نۇرلان ءابدىراحمانوۆ جانە ت. ب. قاتىستى.
كەڭەس بارىسىندا ەنەرگەتيكا, اۋىل شارۋاشىلىعى جانە باسقا دا سالالاردا جۇمىس ىستەيتىن كاسىپكەرلەردىڭ كرەديتتىك رەسۋرستارعا قولجەتىمدىلىگىن كەڭەيتۋ بويىنشا ۇسىنىستار قارالدى.
وتىرىس قورىتىندىسى بويىنشا پرەمەر-مينيستر ۇكىمەتتىڭ ەكونوميكالىق بلوگىنا باسىم سەكتورلار مەن پەرسپەكتيۆتى جوبالار تىزبەسىن پىسىقتاۋدى, سونداي-اق ەل ەكونوميكاسىنا اسەرىن ەسكەرە وتىرىپ, ۇسىنىلاتىن شارالاردى قوسىمشا تالداۋدى تاپسىردى.